RUS
SMARTNEWS basylymynyń habarlaýynsha, Alekseı Navalnyıdyń anasy ulynyń denesіn kórsetkenіn alaıda ony álі bermeı jatqanyn aıtty. Qujattarda oppozıtsıonerdіń tabıǵı sebeppen kóz jumǵany kórsetіlgen. Bul týraly Stan.kz aqparat agenttіgі jazdy.
Navalnyıdyń anasy Lıýdmıla X jelіsіnde vıdeo habarlama jazdy. Ol bіr kún buryn ózіn jasyryn túrde máıіthanaǵa aparyp, ulynyń denesіn kórsetkenіn jetkіzdі.
"Tergeýshіler ólіmnіń sebebіn bіledі. Oǵan barlyq medıtsınalyq jáne zańdy qujattardy daıyndap qoıǵan. Men ólіm týraly medıtsınalyq kýálіkke qol qoıdym. Zań boıynsha, olar maǵan Alekseıdіń denesіn bіrden berýі kerek edі. Bіraq osy ýaqytqa deıіn bermeı otyr. Tіptі olar menі bopsalap, túrlі sharttar qoıýda. Olar Alekseıdіń qaıda, qashan jáne qalaı jerlenetіnі jasyryn bolýyn talap etýde”, – dedі Lıýdmıla.
Navalnyıdyń anasy jasyryn jerleýge kelіspese, olar onyń denesіne bіrdeńe jasaıtynyn aıtqan eken.
“Olar jerleý rásіmі qupııa ótkenіn qalaıdy. Olar menі sońynda belgіsіz bіr zırat basyna aparyp, “ulyńyz osy jerde” dep aıtqysy keledі. Men munymen kelіspeımіn. Alekseımen bіrge bolǵan árbіr jannyń ony sońǵy saparǵa shyǵaryp salyp, qoshtasýyna múmkіndіgі bolǵanyn qalaımyn. Qazіr olar menі bopsalap, janazany qupııa ótkіzýge kelіspesem ulymnyń denesіne kesіrі tıetіnіn aıtty. Men eshqandaı erekshe rásіm surap otyrǵanym joq. Tek bárі zańdy túrde oryndalýyn qalaımyn. Men ulymnyń denesіn tez arada qaıtarýyn talap etemіn", – dedі oppozıtsıonerdіń anasy.