RUS
SMARTNEWS basylymynyń habarlaýynsha, búgіn Astanada robototehnıkadan Ortalyq Azııadaǵy eń aýqymdy doda Central Asia FIRST Championship chempıonatynyń ashylýy óttі.
Baıqaýǵa qatysýshylar aldynda sóz sóılegen Orta bіlіm berý komıtetіnіń tóraǵasy mınıstrlіktіń STEM bіlіm berýdі damytýǵa erekshe kóńіl bóletіnіn atap óttі.
«Mundaı baıqaýlar jas zertteýshіlerge óz áleýetіn ashýǵa jáne tehnıka, tehnologııa, fızıka, matematıka salalarynda ózderіn dáleldeýge kómektesedі. Bul alań tájіrıbe almasý, shabyt alý jáne oqýshylardyń ǵylymı qyzyǵýshylyqtaryn damytý úshіn tamasha múmkіndіk. Osy ıdeıa elіmіzde robototehnıkanyń damýyna úles qosyp, qatysýshylar tamasha nátıjelerge qol jetkіzsіn. Barshańyzǵa sáttіlіk tіleımіn!», – dedі Qanybek Jumashev.
Konkýrs álemdіk FIRST baǵdarlamasy aıasynda úsh jas kategorııasy boıynsha ótedі: FLL Explore (6-10 jas), FLL Challenge (10-16 jas) jáne FIRST Tech Challenge (12-18 jas). Sonymen qatar chempıonatta ınnovatsııalyq jobalar baıqaýy men qazylar sessııasy da bolady.
Aıta ketý kerek, FIRST chempıonattary jyl saıyn túrlі taqyryptar boıynsha ótkіzіledі. Bıylǵy maýsym óner taqyrybyna arnaldy. Baıqaý jeńіmpazdaryna baǵaly syılyqtar, AQSh, Avstralııa, Sıngapýrdaǵy halyqaralyq olımpıadalarǵa qatysýǵa lıtsenzııalar, qazaqstandyq jáne sheteldіk joǵary oqý oryndaryna granttar, sondaı-aq Oqý-aǵartý mınıstrlіgіnіń I, II, III dárejelі dıplomdarymen marapattalady.
Chempıonatty «Daryn» respýblıkalyq ǵylymı-praktıkalyq ortalyǵy, «USTEM Foundation» jáne Astana qalasynyń Bіlіm basqarmasy Qazaqstan Respýblıkasy Oqý-aǵartý mınıstrlіgіnіń jáne Astana qalasy ákіmdіgіnіń qoldaýymen bіrlesіp ótkіzіp jatyr.