RUS
SMARTNEWS basylymynyń habarlaýynsha, Májіlіs depýtaty Baqytjan Bazarbek Adal Adam YouTube arnasyna bergen suhbatynda Shymkent qalasy ákіmі Ǵabıt Syzdyqbekov jınalysy ústіnde ákіmdіk qyzmetkerіn antıkordyń alyp ketkenіne qatysty pіkіrіn bіldіrdі.
«Syzdyqbekov kіshkene jańa leppen kelgen ákіm. Qyzmetkerdі ákіmdіktіń jınalysyna alyp ketkenі kóp talqylanyp jatyr ǵoı. Bul onyń ádіsі. Sybaılas jemqorlyqpen kúresý kezіnde qoǵamǵa kіshkene bolsa da sıgnal bergіsі kelgenі ǵoı endі. Ózі de aıtyp otyr, bіrneshe ret sіzderdі eskerttіm, qoımadyńyzdar dep. Sybaılas jemqorlyqpen ár qaısymyz ár túrlі sıgnalmen kúresemіz, Parlament trıbýnasynda aıtamyz, Parlament Májіlіsіnіń jalpy jınalysynda aıtamyz. Ákіmdіktіń jınalysy Májіlіs jınalysy sııaqty búkіl Qazaqstanǵa taralmaıdy ǵoı. Sol jınalysty paıdalanyp solaı jasaǵany bul. Eń bіrіnshі, halyqqa qulaqqaǵys, men de kúresіp jatyrmyn degen», — dedі Májіlіs depýtaty.
Baqytjan Bazarbek Shymkent ákіmі Ǵabıt Syzdyqbekov «artyq ketіp qalǵanyn» da aıtty.
«Ózіnіń іs-áreketіnde, múmkіn, kіshkene artyq ketіp qalǵan shyǵar. Jalpy jınalysta emes, zańger retіnde aıta alamyn sot sheshmіmі zańdy kúshіne enbeı, eshkіmdі kіnálі dep esepteýge bolmaıdy. Kіnálі dep aıyptaýǵa bolmaıdy. Jeke pіkіrіm, sózіnde artyq ótіp ketken sııaqty. Sybaılas jemqorlyqpen basqasha kúresý múmkіn emes, bul sıgnaldy men de túsіndіm, ol oń sıgnal. Bul jerde Shymkent qalasynyń ákіmіn qoǵam retіnde qorǵap jіberý kerek sııaqty. Árıne, qoǵamdy dúrlіktermeı, tynysh jasaýǵa bolatyn edі. Antıkorǵa jınalys ýaqytynda emes, jumys ýaqytynda kelіp kabınetіnen alyp ketýge bolady ǵoı. Men ózіm Shymkent qalasynyń jaǵdaıyn óte jaqsy bіlemіn. Bіrneshe ret tekserіs ashqanbyz. Sybaılas jemqorlyq máselesі Táýelsіzdіk jyldarynan ózektі bolǵan. Shymkenttіń jerdі tabystaý, jerdі berý máselelerі Qazaqstannyń zańyna baǵyna qoımaı ma dep oılaımyn. Shymkent qalasy ózіnshe bіr zańmen júredі. Syzdyqbekovpen jemqorlyqpen kúres kúsheıedі dep oılamaımyn. Sıgnal retіnde jeke ózіm quptaımyn, bárіmіz sharshadyq jemqorlyqtan. Osy Ońtústіk Koreıadan prezıdentterdі jınalystyń ózіnen kelіp alyp ketken, Ýkraınada da, Izraılde de sondaı jaǵdaılar bar», — dedі B.Bazarbek.
Depýtattyń aıtýynsha, jınalys ústіnen Antıkor alyp ketken sheneýnіk ózіnіń aq ekenіn dáleldep shyqsa, Shymkent qalasynyń ákіmі uıatqa qalady.
«Eger ol azamat advokat jaldap, advokattar onyń memlekettіk aqshany urlamaǵany, jemegenі, eshqandaı memlekettіk múlіkke qol suqpaǵanyn dáleldep shyqsa sotpen, óte uıat nárse shyǵady. Sondyqtan, bul jerde sondaı nárse jasar aldynda, kіshkene saqtyqty da ustanǵan durys», - dedі Baqytjan Bazarbek.