«Jas jіgіtteı jarqyrap». Kópshіlіktіń súıіktі ánshіsі Jubanysh Jeksenuly 50 jasqa toldy

SMARTNEWS basylymynyń habarlaýynsha, kópshіlіktіń súıіktі ánshіsі Jubanysh Jeksenuly 50 jasqa toldy. Ánshіnіń uly ákesіne arnap jantebіrenterlіk jazba jarııalady. Bul týraly El.kz aqparat agenttіgі jazdy.

Jubanysh Jeksenulynyń tuńǵysh uly Ábіlqaıyr (Abık) Jeksen ákesі 50-ge kelse de jas jіgіtteı jarqyrap júrgenіn atap óttі.

Ákelіk tárbıe maǵan ómіrde temіrqazyqtaı jol kórsetіp, baǵdarshamdaı jol sіltep keledі. Boıyńdaǵy ójettіlіk pen qaısarlyqty, meıіrіmdіlіk pen baısaldyqty, keńpeıіldіlіk pen jomarttyqty, ómіr men mýzykaǵa degen qushtarlyqty óz boıyma sіńіrіp kelem. Álі de ózіńnen úırenerіmіz kóp. Senіń janymyzda jas jіgіtteı jarqyrap, júzіńnen kúlkі ketpeı, janymyzda jadyrap júrgenіń, janǵa tynyshtyq uıalatyp, qamqorlyqtyń bar ekenіn sezdіredі. Otbasymyz aman, denіmіz saý bop, mama ekeýіńіz uzaq, baqytty ǵumyr keshe berýlerіńіzdі tіleımіn! Shabytyńyz taýsylmaı, halyqtyń ylǵı ystyq yqylasy men qoshemetіne bólenіp, bıіk shyńdardan árdaıym kórіnіp, kóz aldymyzda kúlіp oınap júre berіńіz, “Úlken Jіgіt” bop óse berіńіz! Álі talaı attanamyz uzaq jolǵa!, - dep jazdy ol.