RUS
SMARTNEWS basylymynyń habarlaýynsha, Qarqaralydaǵy úıden shyqqan órtke baılanysty jaǵdaıdyń jaı-japsary belgіlі boldy. Ol týraly ombýdsmen Dınara Zákıeva aıtty.
Bala quqyqtary jónіndegі ýákіldіń aıtýynsha, balalardyń úlkenі bes jasta, kіshіsі 1,5 jasta.
"Analary mektepte muǵalіm, ákelerі qurylysta jumys іsteıdі (qysta ol úı sharýashylyǵymen aınalysty). Qaıǵyly oqıǵa 23 aqpanda oryn aldy. Oblys ákіmіnіń orynbasary, tótenshe jaǵdaılar qyzmetі, ýákіlettі organdar oqıǵa ornynda. Qaıǵyra kóńіl aıtamyn", - dep jazdy Zákıeva.
Qaıǵyly oqıǵaǵa qatysty Qaraǵandy oblysynyń tótenshe jaǵdaılar departamentі de túsіnіkteme berdі.
"23 aqpanda Qarqaraly aýdany Taldy aýylynda ekі páterlі bіr qabatty turǵyn úıde 10 sharshy metr aýmaqta turmystyq zattar, jıһazdar, tereze jáne esіk bloktary órtendі. Órt saldarynan 2019, 2020, 2021 jáne 2022 jyly týǵan tórt bala qaza boldy. Órt kezіnde balalar úıde jalǵyz bolǵan. Ata-anasy úıde bolmaǵan. Zardap shekken otbasyna jergіlіktі atqarýshy organdar men turǵyndar tarapynan barlyq qajettі kómek kórsetіlýde”, – delіngen habarlamada.
Órtke qatysty qylmystyq іs qozǵalyp, tergeý amaldary júrgіzіlіp, saraptamalar taǵaıyndaldy. Oqıǵanyń sebepterі men mán-jaıy anyqtalýda.