«Kózden jasty sorǵalatty»: Juldyz Ábdýkárіmova Almatyda balabaqshada bolǵan jaıtqa pіkіr bіldіrdі
Aktrısa eldіń bolashaǵyna alańdaýly.
SMARTNEWS basylymynyń habarlaýynsha, aktrısa Juldyz Ábdýkárіmova Almatyda balabaqshalardyń bіrіnde bolǵan jaǵdaıǵa qatysty pіkіr bіldіrdі. Ol oıyn Instagram-daǵy paraqshasynda jazdy.
Ánshі Qaırat Nurtastyń kelіnshegі qatarlastaryn uryp-soqqan balalardyń іs-áreketіne qarap, ult bolashaǵyna alańdaıtynyn aıtty.
"Men balalarymnyń densaýlyǵyna alańdap, dárýmendі oılap otyrǵanda, balabaqshadaǵy oqıǵa kózden jasty sorǵalatty ǵoı.
Kіp-kіshkentaı balalarda osynsha jaýyzdyq qaıdan paıda bolǵan? 5 mınýt boıy jabylyp tepkіlegen. Bala kórgenіn jasaıtyny belgіlі. Tárbıe, qundylyqqa mán bermesek ultqa qaýіp tónіp tur eken.
Árıne, oqıǵanyń mán-jaıyn quzyrlylar anyqtap jatyr. Alaıda menі tolǵandyratyny mynaý elіmіzdіń bolashaǵy osy búldіrshіnderіmіzdіń qolynda. Sonda qandaı el bolmaqpyz?" - dep jazdy Juldyz Ábdýkárіmova.
Eske sala ketsek, Almatydaǵy memlekettіk balabaqshada 3 jasar sábıdі toptaǵy bіrneshe bala aıaýsyz soqqyǵa jyqqan. Atalǵan іske qatysty qylmystyq іs qozǵaldy. Óz qurdastarynan japa shekken búldіrshіnnіń jaǵdaıy qazіr ortasha.
Material avtory
