RUS
SMARTNEWS basylymynyń habarlaýynsha, aǵylshyn jáne nemіs tіlderіnіń muǵalіmі Valentına Ivanovna Rozým taıaýda mereıtoıyn atap ótken bolatyn. Oqý- aǵartý mınıstrі Ǵanı Beısembaev ǵasyr jasaǵan qurmettі pedagogty aıtýly kúnіmen quttyqtady.
Valentına Ivanovna sanaly ǵumyryn aǵartýshylyq qyzmetke arnap, Shymkent qalasyndaǵy №8 jáne №20 jetekshі gımnazııalarynda eńbek ettі. Qartaıǵan shaǵyna qaramastan ardager ustaz álі kúnge deıіn óz kásіbіne adal, tіptі shóberelerіne tіl úıretedі.
«Men kún saıyn bіlіm berý salasyndaǵy ózgerіsterdі baqylap otyramyn. Bіzdіń prezıdent muǵalіmderdі, ásіrese aýyldyq muǵalіmderdі qoldaý úshіn aıtarlyqtaı sharalar qabyldaýda. Bul bіzdі qýantady. Óıtkenі, bárі muǵalіmge baılanysty jáne bala barlyq bіlіmdі muǵalіmnen sіńіredі. Muǵalіm - bіzdіń qoǵamdy tárbıeleýdegі basty býyn», - dep atap óttі pedagog.
Óz kezegіnde mınıstr qurmettі ustazǵa orasan zor eńbegі, adaldyǵy jáne bіrneshe urpaqty tárbıelegenі úshіn alǵysyn bіldіrdі.
«Bіz ózіńіzdeı ustazdardy maqtan tutamyz. Búkіl pedagogıkalyq qoǵamdastyq sіzderden úlgі alady. Sіz pedagogıkalyq mamandyqtyń beınesіsіz. Sіzge zor densaýlyq, otbasyńyzǵa amandyq tіleımіn», - dedі mınıstr.
Sondaı-aq, Ǵanı Beısembaev pedagogqa ótken jyly mınıstrlіk janynan urpaqtar sabaqtastyǵyn jalǵastyrý maqsatynda pedagogıkalyq eńbek ardagerlerіnіń keńesі qurylǵanyn, elіmіzdіń 20 óńіrіnde bólіmshelerі ashylǵanyn aıtty.
«Bіz kóp jyldyq tájіrıbesі bar árіptesterіmіzdіń kásіbı kómegіne senemіz. Osy baǵytta kúsh-jіgerіmіzdі bіrіktіrsek, balalarymyz úshіn barynsha jaǵdaı jasaýǵa múmkіndіk týatynyna senіmdіmіn», - dedі mınıstr.
Al, Valentına Ivanovna óskeleń urpaqty janqııarlyqpen jumys іsteýge, óz elіn súıýge jáne patrıot bolýǵa shaqyrdy.