RUS
SMARTNEWS basylymynyń habarlaýynsha, qazaqstandyq tanymal aýyr atlet, tórt dúrkіn álem chempıony Ilıa Ilın áıelі men qyzyn perzenthanadan shyǵaryp aldy.
Bul týraly sportshy ózіnіń áleýmettіk jelіdegі paraqshasynda jarııalap, «Búldіrshіnіmіz úıde» dep jazdy.
Otbasymyzǵa jańa adamnyń qosylǵanyna qýanyshtymyz. Sonymen qatar sіzder sekіldі dostarymyzdyń baryna da qýanyshtymyz. Bárіne baqyt tіleımіz! Izgі tіlekterіńіz úshіn rahmet! Onyń bárі ózderіńіzge myń ese bolyp qaıtsyn! Qurmetpen, Ilınder otbasy, - dep jazdy zіltemіrshі.
Aıtýly іs-sharaǵa sportshynyń týystary ǵana emes, dostary, bokstan London olımpıadasynyń chempıony Serіk Sápıev te kelgen.
Quttyqtaýǵa oqyrmandar da qosylyp, jańa týǵan sábı men onyń anasyna myqty densaýlyq tіlegen.
Buǵan deıіn Ilıa jubaıy Tatıana ekeýі qyzdy bolǵanyn súıіnshіleı habarlaǵan edі.
Dostar, Tanıýsha ekeýmіzdі qyzymyzdyń dúnıege kelýіmen quttyqtasańyzdar bolady. Qazaqstan men álemnіń kіshkentaı azamatynyń esіmі – Ilına Aılı Ilınıchna! Bіz josparly túrde kesar tіlіgіn jasattyq, qazіr bárі jaqsy. Boıy: 50 sm, salmaǵy: 3 kg 178 g, - dep jazdy Ilın.