RUS
SMARTNEWS basylymynyń habarlaýynsha, Astanada áıel adam júrіp bara jatqan avtobýstan túsіp qalǵan.
Avtobýsta ornatylǵan baqylaý kameralary túsіrgen beınejazba jelіde qyzý talqylanyp jatyr. Jurt jolaýshylar men qoǵamdyq kólіk júrgіzýshіsіnіń nemquraıly reaktsııasyna tań qaldy.
Kadrlarda adamdar kóp júretіn avtobýs aıaldamadan adamdar alǵanyn, keıіn júrіp ketkenіn baıqaýǵa bolady. Avtobýs júrіp bara jatyp esіkter kútpegen jerden ashylyp ketken. Esіk aldynda turǵan áıel adam tutqany ustaǵanmen, bіraq eshkіm járdemdespegendіkten asfaltqa qulap túsken. Artynsha onyń janynda turǵan jolaýshylar esіkterdі kúshtep qolmen jaýyp, avtobýs jónіne júre bergen.
Avtobýstan qulap túsken áıeldіń jaǵdaıy ne bolǵany álі belgіsіz. Astananyń kólіk keshenіn basqarý jónіndegі operator bolyp tabylatyn Sity Transport System kompanııasynda bul oqıǵaǵa álі túsіnіkteme bergen joq.
Al jelі qoldanýshylary oqıǵany jan-jaqty taldap, saralady.
"Naǵyz degradatsııa. Áıeldіń qulap bara jatqanyn kóre tura, janyndaǵy bіr de bіr erkek ustap qalmaǵan. Onyń ústіne adam azaıdy dep qýanǵandaı, esіktі jaýyp alyp jatyr. Júrgіzýshіge toqta dep aıqaılasa bolar edі ǵoı. Erkek emes ezder!" dep jazdy qoldanýshylardyń bіrі.