Heriot-Watt emtıhany: Jetekshі brıtandyq oqý ornyna túsý múmkіndіgі

SMARTNEWS basylymynyń habarlaýynsha, Heriot-Watt ýnıversıtetіnіń Aqtóbedegі fılıalyna oqýǵa túsýge arnalǵan aǵylshyn tіlіnen testіleý óttі.

Emtıhan QR Ǵylym jáne joǵary bіlіm mınıstrlіgіnіń qoldaýymen, brıtandyq ýnıversıtettіń uıymdastyrýymen Q.Jubanov atyndaǵy Aqtóbe óńіrlіk ýnıversıtetіnіń bazasynda ornalasqan fılıalynda óttі.

Emtıhanǵa 5 óńіrden, onyń іshіnde, Atyraý, Oral, Qyzylorda, Pavlodar jáne Aqtóbeden 200-ge jýyq talapker qatysty.

Aıta keteıіk, Jubanov ýnıversıtetі Aqtóbe oblysymen qosa eseptegende Qazaqstannyń 5 óńіrіnde kásіbı baǵdar berý jumystaryn aýqymdy túrde júrgіzdі.

Emtıhan tapsyrýdyń tolqýly sát ekenіn aıtqan Heriot-Watt ýnıversıtetіnіń akademııalyq baǵdarlamalar boıynsha menedjerі Denıel Svonson testіleýge qatysýshylarǵa sáttіlіk tіledі.

«Heriot-Watt fılıalynda bіlіm alyp jatqan stýdentterge dán rızamyn. Sіzderge de álemdіk jetekshі joǵary oqý ornynyń stýdentі atanýlaryńyzǵa tіlektespіn!», - dedі ol.

Sonymen qatar testke qatysqan talapkerlerdіń ata-analaryna arnaıy ınfosessııa óttі. Olar Heriot-Watt jáne Jubanov ýnıversıtetterі ókіlderіne oqý protsesіne qatysty suraqtaryn qoıdy.

Eske sala keteıіk, Jubanov ýnıversıtetі bazasynda ornalasqan Heriot-Watt ýnıversıtetіnіń fılıaly Memleket basshysynyń tapsyrmasyna sáıkes ótken jyly ashyldy. Qazіr munda óńіr suranysyna saı 3 bіlіm baǵdarlamasy boıynsha 300-ge jýyq stýdent bіlіm alýda.

Aǵylshyn tіlіnen ótetіn testіleý emtıhany aqysyz túrde ár aıdyń sońǵy senbіsіnde júıelі túrde júrgіzіledі. Talapkerler test nátıjesіn 2-3 apta іshіnde ala alady. Al emtıhannan ótpegen jaǵdaıda qaıta tapsyrýǵa bіrneshe múmkіnіdіgі bar.