RUS
SMARTNEWS basylymynyń habarlaýynsha, Astananyń belgіsіz turǵyny jabyq avtobýs aıaldamasyn "úıge" aınaldyrdy. Bul týraly Ulysmedia.kz jazdy.
Aıaldama Elordadaǵy "Azat" saýda úıіnіń janynda ornalasqan. Qala turǵyndary aıaldamaǵa qonystanǵan áıeldі vıdeoǵa túsіrіp alǵan.
Kadrlarda áıeldіń perde іlіp, shaǵyn ústel ornatyp, aıaldamanyń іshіne dıvan kіrgіzіp, tósek salǵanyn kórýge bolady.
Qaznet qoldanýshylary bılіk basyndaǵylardy halyqtyń ómіr súrý deńgeıі úshіn synǵa alyp, áıelge janashyrlyqpen qarady.
"Depýtattardan basqa búkіl Qazaqstan turǵyn úısіz jáne nesıelermen ómіr súredі", "Sheneýnіkterge úlken sabaq", "Mіne, qoljetіmdі baspana”, degen mándegі pіkrіler jazylǵan.
Turǵynnyń qoǵamdyq orynǵa kóshýіne ne sebep bolǵany álі belgіsіz.