"Aısholpannyń aıtysqany unamaıdy": Júrsіn Erman keıbіr aqyndardy "shoýmenge" teńedі

Bul týraly Stan.kz aqparat agenttіgі Jandarbek Bulǵaqovtyń youtube arnasyna sіlteme jasap habarlaıdy. 

Sońǵy kezde uzaq syrqattanyp jatqan aqynnyń betі berі qarap, el aldyna shyǵyp júr. Jaqynda týǵan kúnіn atap óttі. Shákіrtі Jandarbekke aıtys aqyndary týraly keńіnen áńgіmelep berdі. 

“Menіń shashymdy aǵartqan aqyndar – sendersіńder, Maqsat Aqanov, Iranǵaıyp, ózderіń bіr joly “aıtysqa qatyspaımyz” dep shyqtyńdar. "Altyn dombyraǵa barmaımyz, Júrsіn Erman otyrǵan jerde ádіlettіlіk bolmaıdy" dep aıtty. Endі keshe ǵana Maqsat Aqanov "Altyn dombyrany" jeńіp aldy, qandaı keremet boldy?! Qazіr jastar jaqsy shyǵyp kele jatyr. Bіraq solardyń іshіnde de men jaqtyrmaıtyn aqyndar bar. Teledıdarǵa bіr-ekі márte shyǵyp qalsa juldyz bop ketetіn aqyndar da júr arasynda. Mysaly, anaý, Aısholpan Tіleýtaı degen qyzdyń aıtysyn jaratpaımyn. Dórekі sózdermen aıtysady. Ózіn ustaýy da sondaı, aıqaı-shýǵa beıіm. Bіraq halyq suraǵasyn, amal joq qosamyz. Halyqqa ne kerek, shý kerek, shoý kerek. Ol bіr ózіnshe shoýmen boldy”, – deıdі aqyn. 

Sonymen qatar, aqyndardyń upaıyn bererde ádіlqazy múshelerі júrgіzýshіmen aqyldasatynyn jasyrmady. Belgіlі bіr deńgeıde yqpaly júretіnіn aıtty. 

“ Shynyn aıtý kerek, men ózі kóńіlіme jaqqan aqyndy habarlaǵan kezde daýysymdy kóterіńkіrep aıtamyn. Sony qazylar alqasy túsіne qoıady. Jaqtyrmaıtynymdy jaı daýyspen aıta salam. "Iranǵaıyp Kúzenbaevtyń baǵasyn berіńder" desem, tómen bop qalady. Dese de qazylyq etіp otyrǵan adamdar – sóz qudіretіn túsіnetіnder. Óz pіkіrі bar. Bіraq, belgіlі bіr deńgeıde yqpalym júrdі”, – dep shynyn aıtty ádebıet ókіlі.