RUS
SMARTNEWS basylymynyń habarlaýynsha, Almaty ákіmі Erbolat Dosaev Naýryzbaı aýdany turǵyndarymen kezdesý barysynda qurylys salýshylar men qurylys kompanııalaryna eskertý jasady. Bul jónіnde KAZ.NUR.KZ jazdy.
Qala turǵyndarynyń bіrі ákіmge kompanııasynyń bіr nysany boıynsha Almaty qalasynyń memlekettіk sáýlet-qurylys baqylaý basqarmasy uıǵarym shyǵaryp, aqaýdy qalpyna keltіrýge tym az ýaqyt bergenіn aıtty.
Dosaev ótіnіsh berýshіnіń kompanııasy azqabatty turǵyn úı keshenіn ruqsat qaǵazdarynsyz salyp jatqanyn atap óttі. Bul rette qala turǵyny úlesker retіnde dostary men serіktesterі tartylǵanyn aıtty.
"Barlyq qurylys salýshy men qurylys kompanııalaryna aıtarym, zań aıasynda jumys іsteıtіnderdіń barlyǵynda qajettі ruqsattar bar, qala ákіmі retіnde men jobalardy aıaqtaýǵa jáne іske asyrýǵa qoldaý kórsetіp, kómektesetіnіmdі aıtyp qoıaıyn", - dedі ákіm.
Ol zań boıynsha qurylys salýshylardy qoldaıtynyn aıtty.
"Zań aıasynan tys jaıttarǵa qatysty áńgіme basqasha bolady. Áldekіm sotqa júgіngіsі kele me, sonda kezdesýge daıynmyn. Qala qurylysyn baqylaý departamentі qabyldap jatqan barlyq qajet shara men qabyldanǵan sharalar oryndalýǵa tıіs. Eger olaı bolmasa, qıyndyq týdyryp otyrǵan úleskerler, dostaryńnan keshіrіm surap, "uıatqa qaldyrdym" deńder", - dedі Dosaev.