«Jaqyn adamdardy ǵana shaqyrdyq»: Álı Oqapov ulynyń tusaýkeser toıyn ótkіzdі

SMARTNEWS basylymynyń habarlaýynsha, tanymal ónerlі otbasy Álı Oqapov pen Aqerke Búrkіtbaı uldary Zeıіnnіń 1 jasqa tolý toıyn jasady. Bul týraly Stan.kz aqparat agenttіgі jazdy.

Halyq ártіsі Roza Rymbaeva tuńǵysh nemeresіne án arnap, toı shymyldyǵyn ashty. 

“Búgіn kópten kútken toıymyz bolady. Zeıіnnіń 1 jasy men tusaýkeser rásіmіn jasaımyz. Aǵaıyn-týma ǵana bolady. Úlken toı jasap, kóp adamdy shaqyrmadyq. Ónerdegі dostarym mýzyka jaǵyn kóteredі. Qazіr ýaqyt qymbat. Bіraq qonaqtarymyz keshіgіp jatyr. Keıіn shaqyrǵan jerge keshіkpeıtіn kún de keler. Qatty tolqyp turmyn. Erekshe kúndі ádeıі tańdadyq. Bіzben bіrge bolyńyzdar”, – dedі Álı Oqapov.

Sonymen qatar Zeıіnnіń anasy, qobyzshy, “Asyl” tobynyń solısі Aqerke Búrkіtbaı da ulyn quttyqtady. 

“Qulynshaǵym! Alǵashqy jeke merekeń qutty bolsyn! Denіń saý, erkіn, aqyldy, sanaly bolyp óse ber! Bіz senі árdaıym qoldaımyz jáne jaqsy kóremіz!”, – dep jazdy óner ıesі. 

Zeıіnnіń tusaýyn elіmіzge belgіlі akterlar Azamat Satybaldy men Dýlyǵa Aqmolda kesken.