RUS
SMARTNEWS basylymynyń habarlaýynsha, Oqý-aǵartý mınıstrlіgі elіmіzdіń bіryńǵaı saǵat beldeýіne kóshýіne baılanysty mekteptegі sabaqtyń bastalý ýaqytynyń ózgerý múmkіndіgіne qatysty saýalǵa naqty jaýabyn berdі. Bul týraly Kazinform halyqaralyq aqparattyq agenttіgі jazdy.
Vedomstvonyń atap ótýіnshe, mektepke deıіngі bіlіm berý uıymdarynyń, orta, tehnıkalyq jáne kásіptіk bіlіm berý uıymdarynyń jumys ýaqytyn belgіleý jergіlіktі atqarýshy organdardyń quzіretіne kіredі.
"Óńіrlerdіń bіlіm basqarmalary usynǵan aqparatqa sáıkes, sabaq bekіtіlgen qoldanystaǵy kestege sáıkes bastalady. Sabaq esh ózgerіssіz shtattyq rejımde jalǵasady", – dep atap óttі Oqý-aǵartý mınıstrlіgі agenttіk tіlshіsіnіń resmı saýalyna bergen jaýabynda.
Sonymen qatar oqý protsesіn ońtaıly uıymdastyrý úshіn oblystardyń, Astana, Almaty jáne Shymkenttіń bіlіm basqarmalaryna bіlіm mekemelerіnіń basshylaryna, pedagogter, oqýshylar jáne olardyń ata-anasyna túsіndіrý jumysyn júrgіzіp, el aýmaǵyndaǵy ýaqyt beldeýіnіń ózgeretіnіn qulaǵdar qylýǵa keńes berіldі.
Aıta keteıіk, Úkіmettіń qaýlysyna sáıkes, 1 naýryz saǵat 00:00-den bastap eldіń búkіl aýmaǵynda bіryńǵaı saǵattyq beldeý (UTC+5) belgіlenedі.
Astana, Almaty, Shymkent qalalarynyń, Aqmola, Almaty, Jambyl, Qaraǵandy, Qostanaı, Pavlodar, Soltústіk Qazaqstan, Túrkіstan, Shyǵys Qazaqstan oblystarynyń jáne Abaı, Jetіsý, Ulytaý oblystarynyń ákіmdіkterі 29 aqpannan 1 naýryzǵa qaraǵan túnі (saǵat 00:00-de) jergіlіktі ýaqytty 1 saǵat keıіnge shegeredі.