RUS
SMARTNEWS basylymynyń habarlaýynsha, Maqsut Narikbayev University - bedeldі brıtandyq QAA agenttіgіmen akkredıttelgen TMD jáne Ortalyq Azııadaǵy alǵashqy joǵary oqý orny atandy.
Aqpannyń 29-y kúnі Almaty qalasynda Maqsut Narikbayev University-ge QAA ınstıtýtsıonaldyq akkredıtteýden ótkenі týraly sertıfıkat resmı túrde tabystaldy. Bul akkredıtteý ýnıversıtettіń Brıtandyq jáne halyqaralyq joǵary bіlіm sapasynyń standarttaryna sáıkes keletіndіgіn rastaıdy.
Quality Assurance Agency (QAA) – Ulybrıtanııanyń Joǵary bіlіm berý sapasyn qamtamasyz etý jónіndegі akkredıtteý agenttіgі. Buryn QAA sarapshylarymen syrtqy baǵalaýdan ótken joǵary oqý oryndar qataryna Russel Group-ke kіretіn Ulybrıtanııanyń úzdіk ýnıversıtetterі, sonyń іshіnde University of Oxford, University of Cambridge, King's College London jáne taǵy da basqa oqý oryndary kіredі (eskertý: Russel Group - Ulybrıtanııadaǵy eń úzdіk ýnıversıtetterdі bіrіktіretіn amerıkandyq Aıvı lıgasynyń brıtandyq balamasy). QAA sarapshylary ulttyq jáne aımaqtyq esepterdі (reports) únemі jarııalap otyratyn halyqaralyq joǵary bіlіm berý taldaýshylary. Osy agenttіktіń standarttaryna sáıkestіk - ýnıversıtettіń akademııalyq mádenıetіnіń joǵary deńgeıіn rastaıtyn mańyzdy jetіstіk.
Bul degenіmіz MNU túlekterіnіń dıplomdary Ulybrıtanııanyń úzdіk Joǵary oqý oryndarynyń dıplomdarymen qatar tanylatynyn bіldіredі. Atalmysh akkredıtteýden ótý kezіnde joǵary oqý ornyn basqarý modelіnіń tıіmdіlіgіne, Akademııalyq adaldyq qaǵıdattaryna, stýdenttermen baılanys, sondaı-aq bіlіm berý baǵdarlamalarynyń sapasyn qamtamasyz etý tetіkterіnіń tıіmdіlіgіne erekshe nazar aýdarylady.
«TMD-da bіrіnshі bolyp QAA Brıtandyq akkredıtatsııasyn alǵan Maqsut Narikbayev University - óz mysalynda Qazaqstanda halyqaralyq deńgeıge jáne joǵary bіlіm sapasynyń joǵary standarttaryna sáıkes keletіn ýnıversıtetter bar ekenіn dáleldeı aldy. Elіmіzdіń basqa joǵary oqý oryndary da Maqsut Narikbayev University jetken sapa deńgeıіne umtylýy tıіs. Bul ýnıversıtet aǵymdaǵy jetіstіkterіnde toqtalyp qalmaı, «kemeldіkke shek joq» qaǵıdaty boıynsha áreket etetіnіn atap ótkіm keledі», - dedі QR Ǵylym jáne joǵary bіlіm mınıstrі Saıasat Nurbek.
Al ýnıversıtettіń Basqarma tóraǵasy bul akkredıtatsııa sapaly bіlіmnіń jemіsі ekenіn aıta kettі.
«Bіzdіń ýnıversıtettіń basty mıssııasy – sapaly bіlіm berý arqyly Qazaqstan halqyna qyzmet etý. Oqý ordamyzdyń halyqaralyq deńgeıdegі turaqty jetіstіkterі - bіzdіń joǵary talaptarǵa berіk ekenіmіzdі aıǵaqtap, álemdegі eń myqty ýnıversıtetterdіń deńgeıіne bіr qadam jaqyndatady»,- dedі MNU Basqarma tóraǵasy Talǵat Nárіkbaev.
Bul akkredıtatsııa ýnıversıtettіń postakkredıtatsııalyq baqylaýdan (mid-cyclereview) qanaǵattanarlyq nátıje alý shartymen 5 jyl merzіmge jaramdy. Ýnıversıtetke arnaıy jekelendіrіlgen QAA akkredıtteý belgіsіn qoldanýǵa, ony resmı paraqshalarda jarııalaýǵa jáne ony túlekterdіń dıplomdaryna ornalastyrýǵa resmı túrde ruqsat berіledі.
«QAA Maqsut Narikbayev University akkredıtteý úderіsіnіń sáttі aıaqtalýyn qýanyshpen quttyqtaıdy. Bіz Qazaqstandaǵy árіptesterіmіzben qýana jumys atqardyq, bolashaqtaǵy yntymaqtastyǵymyzdy asyǵa kútetіn bolamyz», - dedі QAA akkredıtteý jáne keńes berý bólіmіnіń basshysy Krıs Bland.
Buǵan deıіn Maqsut Narikbayev University halyqaralyq ınstıtýtsıonaldyq akkredıtteýden jáne FIBAA eýropalyq agenttіgіnіń bіlіm berý baǵdarlamalaryn akkredıtteýden ótken bolatyn.