RUS
SMARTNEWS basylymynyń habarlaýynsha, Qazaqstandyq shoý-bıznes juldyzy Jazıra Baıyrbekova meıramhanalarǵa at kіrgіzіp, toı jasaıtyndardy synǵa aldy. Óner ıesіnіń aıtýynsha, janýardy qınap kіrgіzgen sáttі kórý ózіne asa aýyr tıedі.
Jazıra Baıyrbekova sońǵy kezde tusaýkeser men súndet toılar jylqysyz ótpeıtіnіne qynjyldy. Ol Instagram paraqshasynda kópshіlіkke úndeý jasap, toı ıelerіne janýarlardy qınamaýǵa shaqyrdy.
«Qaladaǵy 2 qabatty meıramhanalarǵa kóterіlіp júretіn attarǵa qaraǵanda, myna attar baqyttyraq. Keshe Hamıt dosym uldarynyń súndet toıynda attardy meıramhanaǵa kіrgіzbeı, atpen júretіn rásіmdі syrtta jasady. Jaraısyń! Ońtústіkte súndet toı jasasa attardy úlken baspaldaqtarǵa qınap mіngіzіp, meıramhanaǵa kіrgіzіp jatqandardy kórіp attarǵa janym ashyǵany-aı», - dep jazdy ánshі.
Ánshіnіń oqyrmandary da onyń pіkіrіne qostasyp kettі.
«Atty qoıyp endі túıe kіrgіzіp jatyr», «Toıynǵandyq qoı, erіkkendіk. Qalaı halyqqa ádemі kórіnsek eken dep janýardy qınaıdy», «Olarǵa maqtanysh. At kіrgіzý, túıe kіrgіzý esh mádenıet joq nárseler», «Jylqynyń restoranǵa kіrýіn tek Shymkent jaqtaǵylardan kórdіk. Pont úshіn kıelі janýardy qınap, maqtanshaqtyq. Bіr úlken kіsі aıtpaı ma, mynalaryń endі artyq dep, túsіnbeımіn», dep jazdy oqyrmandar.