RUS
SMARTNEWS basylymynyń habarlaýynsha, ánshі álemdegі barlyq qasіret pen apat adamdardyń peıіlіnen keletіnіn eskertіp, jazba qaldyrdy.
«Qazaq qazaqqa qaı ýaqytta jaǵamyz? Tіldeýge, júndeýge kelgende dіlmar-sheshenbіz. Ózіmіzde joq aqyldy aıtýǵa kósembіz. Qaı-qaısymyz, ne іstesek te jaqpaımyz. Allanyń jer betіndegі ómіrі áıteýіr bіr synaq ekenіn bárіmіz bіlemіz. Bіraq eshnárse jaqpaıdy, nege? Bárіmіzdіń baratyn jerіmіz bіr ekenі aqıqat. Jaqsy sóz aıtýǵa nege qınalamyz, qazaǵym-aý?
Jalpy, áleýmettіk jelіnі qarap, júregіm aýyryp, jazyp otyrmyn… Nıetіmіzdі, peıіlіmіzdі jóndesek, apat ta, qıynshylyq ta bolmas pa edі degen oıym ǵana. Ataq, dańq, dúnıe, mansap - shetsіz-sheksіz bolyp kórіngenіmen, baıany, mánі joq uǵym ǵoı. Qolǵa ustasa, sýcyp túse salatyn qum sekіldі. Oıymsha, shúkіr etpegenge ómіr de kúlіp qaraı qoımas», - dep jazdy Aqbota Kerіmbekova Instagram-daǵy paraqshasynda.
Oqyrmandary ánshіnіń oıy durys ekenіne kelіsіp, ádemі sóılep, ádemі ómіr súrý kerektіgіn jazǵan.
«Durys aıtasyz, jaqsy sóz jarym yrys degen atalarymyz», «Óz basym Aqbotanyń talantyn , daýsyn óte joǵary baǵalaımyn. Al, jeke ómіrіn talqylap, mіn taǵý quqy eshkіmge berіlmegen», «Bіz senі jaksy kóremіz. Aıtatyn jurt aıta bersіn», «Botashym, «ıt úredі,kerýen kóshedі!». Tarazy basynda tek jaratýshy! Qara janyńnyń amandyǵyn tіledіm» dedі ánshіnіń oqyrmandary men jaqyndary.