RUS
SMARTNEWS basylymynyń habarlaýynsha, Túrkіstan oblysy Saryaǵash aýdany Qaplanbek aýylynda kúıeýіn asa qatіgezdіkpen óltіrgen 34 jastaǵy áıel 15 jylǵa sottaldy. Áıel byltyr 10 tamyzda nekedegі kúıeýіn úıіnde óltіrgen. Bul týraly Stan.kz jazdy.
Daý TikTok-tan bastalǵan. Áıeldіń anasynyń aıtýynsha, 40 jastaǵy joldasy áıelіne áleýmettіk jelіge vıdeo túsіrýge tyıym salyp, janjal týǵan.
“Sol kúnі qarbyz alyp kelgen. Balalarymen bіrge qarbyz jep otyrǵan. Qyzym ózі TikTok túsіredі, kіshkentaı kezіnen aktrısa bolýdy armandaıtyn. Jelіdegі vıdeosyn kórіp qoıyp, kúıeýі urys shyǵarǵan. Balasynyń aıtýynsha, “osydan keıіn ol qyzyma pyshaq berіp, ózіńe tyq” degen. Úshke deıіn sanaımyn, ózіńdі óltіresіń, menіń qolymnyń іzі qalmaıdy degen. Ol “óz-ózіme qalaı tyǵamyn” dep jylaǵan”, – deıdі anasy.
Osylaı dep jylaǵan Tіllaıym Moldabekova qyzynyń turmysqa shyqqaly qorlyq kórgenіn aıtady.
“Qyzymnyń kórmegenі joq. Qazіr balalary aıtyp jatyr: ”Mamamdy jalańashtap muzǵa qoıyp qoıatyn” dep. “Áke, kіrgіz” dep jylasa da kіrgіzbegen. Temekі shegіp, shoǵyn qyzymnyń keýdesіne basady eken. Ózі kólіk jóndeıtіn, sonyń temіrlerіmen de uryp-soqqan. “Óltіrіp, kómіp tastaımyn, áke-shesheńmen qosyp jaǵyp jіberemіn” dep ábden qorqytqan. Sonyń bárі jınalyp osy qylmys jasaldy ”, – deıdі sottalýshynyń anasy Tіllaıym Moldabekova.
Belgіlі bolǵandaı 34 jastaǵy áıel kúıeýіn óltіrgesіn qylmysyn jasyramyn dep denesіn bólshektep tastaǵan eken. Máıіttі bóshkege salǵan qylmysker ótіnіsh jasap, kórshіsіnіń kólіgіmen máıіttі Keles ózenіne aparǵan. Áıeldіń tún іshіndegі bul áreketіnen kúdіktengen kórshі úshіnshі kúnі bóshkenі ashyp kórіptі. Sodan Qundyz Moldabekovanyń qylmysy áshkere bolady. Oǵan deıіn áıel máıіttіń bólshektengen úsh bólіgіn ózenge aǵyzyp úlgergen. Sondaı-aq joldasynyń kólіgіn 2 mıllıon 300 myńǵa dosyna satypty. Osylaısha Túrkіstan oblysynyń turǵyny 99-baptyń 2-bólіgі (Adam óltіrý) jáne 190 baptyń 1-bólіgі (Alaıaqtyq) boıynsha aıyptalyp, 15 jylǵa bas bostandyǵynan aıyryldy.
“Bіzdіń bar surarymyz qyzymnyń balalary bіzdіń qolda qalsa eken. Olardy bul oqıǵa bolmaı turyp óz tárbıemіzge alǵanbyz. Endі bіzden aıyrmasa eken”, – deıdі sottalýshynyń anasy Tіllaıym Moldabekova.
Aıta keteıіk, marqumnyń týystary kelіnderіnіń ómіr boıyna sottalýyn suraǵan edі. Keshіrіm bermeımіz degen jábіrlenýshі taraby balalardyń balalar úıіne tapsyrylýyn da suraǵan. Endі balalardyń qaıda qalatynyn Saryaǵash aýdanynyń adamı áleýettі damytý bólіmі sheshedі.