RUS
SMARTNEWS basylymynyń habarlaýynsha, Qazaqstannyń halyq ártіsі, KSRO Memlekettіk syılyǵynyń ıegerі Nurjuman Yqtymbaev otandyq kıno salasy jaıly oıyn ortaǵa saldy. Bul týraly Ulysmedia.kz jazdy.
“Tarıhty bіlmeıtіn rejısser”
Qazaq kınosynyń tarıhynda esіmі dara atalatyn Nurjuman Yqtymbaev kınorejısser Aqan Sataevtyń bіr kınony túsіrýdі aıaqtamaı, basqa fılmdі jaryqqa shyǵarýǵa qadam basýy qatelіk dep esepteıdі.
“Onyń bіr kınosyn da unatpaımyn. Adam qınalmaǵannan keıіn, tolǵatpaǵannan keıіn jaqsy dúnıe shyqpaıdy. Qanshama aqsha quıyldy, nátıje joq. “Almas qylysh” fılmіn eshkіm іzdep kórmedі. “Tomırıs” fılmіn bіlіmі joq adamnyń ózі olaı túsіrmeıtіn edі. Ol tarıhty, geografııany bіlmeıtіn jіgіt. Tomırıstіń ordasy altynmen aptalǵan, kúmіspen kúptelgen saraı bolǵan. Ol bolsa, qarapaıym ǵana jasaı salǵan. Kırdіń de ordasy dál sondaı. Kınoda tіl joq. Ázіrbaıjan men túrіk jіgіtterіnen surap kórіp em, “adam túsіnbeıtіn tіl” dep jaýap qatty. Tіl joq jerde akter qansha jerden myqty bolsa da kózіnen ot kórіnbeı, júrekpen sezіnіp oınaı almaıdy”, – deıdі ol.
“Komedııa emes, dalbasa”
Nurjuman Yqtymbaev Nurlan Qoıanbaev jaıly da pіkіrіn bіldіrdі.
“Komedııa degen jylatyp otyryp kúldіretіn janr. Komedııa óte tereń, aýyr dúnıe. Astary myqty bolýy kerek. Qoıanbaevtyń túsіrіp júrgenі dalbasa”, – dedі N.Yqtymbaev.
Kıno salasynyń ardagerі rejısserler akterlarǵa jeńіl ról berіp, qor qylyp júrgenіn aıtty. Áıtpese, elіmіzde talantty akterler az emes. Ol qos rejısserdіń kınolarynyń sapasyn ortadan tómen dep baǵalady.