Dýman Muhammedkárіmdі azaptaý boıynsha іs bastaldy

SMARTNEWS basylymynyń habarlaýynsha, Almaty oblysynyń mamandandyrylǵan prokýratýrasy jýrnalıst Dýman Muhammedkárіmnіń tergeý ızolıatorynda azaptalýy baılanysty іs qozǵady. Bul týraly Ulysmedia.kz jazdy.

Jýrnalıst qylmystyq іs boıynsha jábіrlenýshі dep tanyldy.

Aıta keteıіk, ol uzaq ýaqyt boıy tergeý ızolıatorynda boldy.

"Jaqynda maǵan Almaty oblysynyń arnaıy prokýratýrasy júgіndі. Dýman Muhammedkárіmdі azaptaý boıynsha sheshіm shyǵaryldy. Is qozǵaldy jáne Dýman jábіrlenýshі dep tanyldy.

Bіz azaptaý іsі boıynsha tergeý kelesі aptada bastalady dep kútemіz", - dedі advokat Saparhanova.

Dýman Muhammedkárіm byltyr májіlіs depýtattyǵyna kandıdatýrasyn usynǵan. Alaıda ony kandıdat retіnde tіrkemegen.

Byltyr 19 naýryzda ótken májіlіs saılaýynyń nátıjesіne qarsylyq bіldіrіp, jurtty jappaı mıtıngіge shaqyrǵany úshіn 25 táýlіkke qamaldy. Artynsha, ony qamaý merzіmі taǵy uzartylyp, keıіn ústіnen qylmystyq іs qozǵalǵany týraly aqparat tarady. Jýrnalıst bіrneshe aıdan berі túrmede otyr. Bіrneshe ret ashtyq jarııalady.

Ol 2023 jyldyń maýsymynan bastap qamaýda boldy. Oǵan Muhtar Ábіlázovpen suhbattan keıіn "ekstremızmdі qarjylandyrdy" degen aıyp taǵylǵan edі.

Qazaqstandyq quqyq qorǵaýshylar jýrnalıstі «saıası tutqyndar» tіzіmіne engіzgen.