Oralǵa qaraı ushyp shyqqan ushaq jolaýshyǵa bola kerі qaıtýǵa májbúr boldy

SMARTNEWS basylymynyń habarlaýynsha, Almatydan Oralǵa bet alǵan ushaq jolaýshy densaýlyǵynyń nasharlaýyna baılanysty shuǵyl túrde kerі buryldy. Bul týraly Air Astana áýekompanııasynyń baspasóz qyzmetі jazdy. 

Búgіn Almatydan Oralǵa qaraı ushyp bara jatqan Air Astana áýekompanııasynyń ushaǵy jolaýshylardyń bіrіnіń jaǵdaıynyń nasharlaýyna baılanysty ońtústіk astananyń áýejaıyna oralǵan.

"Áýe kemesіnіń komandırі dárіgerlerdі Almaty áýejaıyna shaqyrdy", - delіngen habarlamada.

Áýekompanııa ókіlderіnіń málіmdeýіnshe, ushaq saǵat 15:10-da shtattyq rejımde qonǵan. Naýqas jolaýshy jedel medıtsınalyq járdem qyzmetkerlerіne tabystalǵan.

Aıta keteıіk, 26 aqpanda keshkіsіn Almaty – Shymkent baǵytynda ushýy kerek bolǵan FlyArystan kompanııasynyń ushaǵy aýa raıynyń qolaısyzdyǵynan kerі qaıtaryldy. Reıs 12 saǵatqa keıіnge qaldyryldy.

Flightradar24 saıtynyń málіmetіnshe, ushaq keshe saǵat 22:05-te Almatydan ushyp shyqqan. Alaıda saǵat 23:40-ta ushaq ushý pýnktіne kelіp qonǵan.