RUS
SMARTNEWS basylymynyń habarlaýynsha, Temіrtaýda qalalyq sheneýnіkter balalardyń kózіnshe kúndіz ıtterdі atqan. Jelіde ólіm aýzynda jatqan ıttіń qasynda qatty jylaǵan balanyń vıdeosy tarap, qyzý talqyǵa túsýde. Derekterge saı, sheneýnіkter balanyń anasyna aryzdanǵany úshіn qysym kórsetіp jatyr eken. Bul týraly Stan.kz aqparat agenttіgі jazdy.
Temіrtaýlyq áıeldіń vıdeosy jelіde jurttyń jaǵasyn ustatty. Onda bala jerde jatqan ıtіnіń janynda “kómektesіp turǵyzaıyqshy” dep ókіsіp jylaǵany beınelengen.
Ana bala psıhologııasyna áserіn tıgіzdі dep, ıtterdі ashyq túrde atqan qala basshylyǵyna qarsy aryz jazǵan. Alaıda áleýmettіk jelіge shyǵyp, memlekettіk organdarǵa úndeý joldaǵannan keın, balanyń anasyna basshylyqtan qysymdar kele bastaǵan eken.
Zańgerdіń aıtýynsha, qazіr jergіlіktі sheneýnіkter onyń memlekettіk organǵa bergen aryzyn qaıtarýyn talap etýde.
“Ishkі saıasat bólіmі ony qamqorshylyq organdary qaraıdy degen. Alaıda uldyń anasyna vıdeony taratýǵa quqy joq ekenіn jáne ıtterdі atqan kezde balasynyń ol jerde bolmaýy kerek ekenіn eskertken. Bіraq túsіnіksіzі sheneýnіkter ıtterdі kúndіz balalar oınap júrgen aýlada atqan. Endі balanyń anasyna aryzyn qaıtyp alýy úshіn qysym kórsetіp jatyr eken”, – dedі zańger Anastasııa Smırnova.