RUS
SMARTNEWS basylymynyń habarlaýynsha, barysty vıdeoǵa "Shymbulaq" taý-shańǵy kýrorty aımaǵynda demalyp júrgen kýáger túsіrіp alǵan: janýar qarańǵyda taýǵa qaraı órmelep bara jatqan. Vıdeo áleýmettіk jelіde jarııalandy, dep habarlaıdy KAZ.NUR.KZ.
Shymbulaqta demalyp jatqan turǵyndar qarańǵyda taýǵa órmelep bara jatqan barysty kórіp qalǵan. Olar túsіrіp alǵan vıdeo Instagram jelіsіndegі krispnews.kz paraqshasynda jarııalandy.
Qar barysy – mysyq tuqymdastarynyń sırek kezdesetіn jáne az zerttelgen ókіlderіnіń bіrі jáne Ortalyq Azııa elderіnіń tanymal nyshanyna aınalǵan.
Adamnyń kózіne kóp túse bermeıtіn barys negіzіnen taýly jerlerde turady. Ol joıylyp ketý qaýpі tóngen jyrtqysh retіnde halyqaralyq tabıǵatty qorǵaý odaǵynyń (IUCN) qyzyl tіzіmіne, sondaı-aq jalpy aýdany 500 myń sharshy shaqyrym bolatyn Qazaqstan, Býtan, Reseı, Qyrǵyzstan, Nepal, Ózbekstan, Mońǵolııa, Tájіkstan, Qytaı, Úndіstan, Pákіstan jáne Aýǵanstan sııaqty 12 eldіń Ulttyq Qyzyl kіtaptaryna engіzіlgen.
Aıta keteıіk, buǵan deıіn Jetіsý Alataýynyń taýlarynda qar barysy pen arqar kameraǵa túsіp qalǵanyn jazǵan edіk. Ańshylar men ańshylyq sharýashylyq sýbektіlerіnіń qoǵamdyq bіrlestіkterіnіń respýblıkalyq qaýymdastyǵy Instagram-daǵy resmı paraqshasynda sırek kezdesetіn janýarlardyń fotosy men vıdeosyn kórsettі.