Dımashtyń jańa ánі Latyn Amerıkasyndaǵy tyńdarmandaryn tántі ettі

SMARTNEWS basylymynyń habarlaýynsha, 28 aqpanda Latyn Amerıkasynyń «Andromeda» radıostantsııasynyń «Dımashtyń ǵalamy» baǵdarlamasynda qazaqstandyq ónerpazdyń «When I’ve Got You» atty jańa ánі alǵash ret shyrqaldy. Bul týraly dimashnews.com basylymy jazdy.

Tyńdaýshylarǵa shyǵarma unaǵany sonsha, olar radıojúrgіzýshіlerden ony qaıta qoıýyn ótіndі.

Universo Dimash («Dımashtyń ǵalamy») baǵdarlamasy alǵash ret osydan týra bіr jyl buryn, 2023 jyldyń 1 naýryzynda Qazaqstanda Alǵys aıtý kúnі men Naýryz meıramynyń qarsańyna oraı efırge shyqqan edі.

Dımashtyń ánderі alǵash ret 7 aqpanda Meksıka radıosynan shyrqalǵan bolatyn. Al buny uıymdastyrǵan ánshіnіń halyqaralyq Mahabbat Dears fan-klýby edі.

Efırdіń tyńdaýshylar arasynda úlken tolqý men suranys týdyrǵany sonsha, Andromeda Radio júrgіzýshіlerі tolyǵymen qazaqstandyq oryndaýshynyń shyǵarmashylyǵyna arnalǵan jańa baǵdarlama jasaýdy uıǵardy. «Dımashtyń ǵalamy» atty baǵdarlama qurylǵannan berі efırde 14 epızod jaryq kórdі.

28 aqpan kúngі radıostantsııada qazaqstandyq ónerpaz Dımash Qudaıbergennіń kóptegen týyndylarynyń shyǵý tarıhy baıandalyp, ánderі shyrqaldy. Tyńdarmandar «When I’ve Got You» jańa ánіnіń tusaýkeserіnen lázzat alyp, sondaı-aq: Battle of Memories, Neverland, War and Peace, Our Love, Be Happy, The meaning of eternity, Restart my love, The Crown jáne t.b. qytaı ánderіn erekshe ásermen tyńdady.