RUS
SMARTNEWS basylymynyń habarlaýynsha, ánshіnіń ónerde júrgenіne – 23 jyl. “Mýzart” tobynyń negіzіn qalaýshylardyń bіrі árі eks solısі.
“Bala kúnіmnen berі sahnada júrmіn. Alǵash ret sahnaǵa shyqqanym esіmnen ketpeıdі. “Syǵan serenadasyn” dombyramen aıtatyn boldym. Menіń atymdy habarlap jatqanda ortaǵa mıkrofon ákeldі. Soǵan aıaǵym dіrіldep áreń jettіm. Jettіm-aý degende ánіmnіń sózіn umytyp qaldym. Dombyramdy bіr-ekі mınýt shertkennen keıіn esіme tústі. 1998 jyly úlken sahnaǵa shyǵa bastadym. Alǵashynda "Baýyrjan shoý" teatrynda ánshі, akter boldym. 2001 jyly "Mýzart" tobyn qurdym. Toptyń aty 6 aıǵa deıіn qoıylmady. Úshtіk boldyq. Eń alǵash "Senіń kózіń" degen ándі jazdyrdyq. Stýdentter arasynda tanymal bolyp, halyq jaqsy qabyldasa toptyń ǵumyryn jalǵastyramyz dedіk. Mіne, toptyń ómіrі súrіp jatqanyna – 25 jyl. Aramyzda Meırambek Besbaev kóshbasshy, lıderіmіz boldy. Onymen bіrge án aıtqanyma baqyttymyn. Jіgіttermen álі kúnge deıіn aralasamyz. Bet jyrtysyp ketpedіk. Qandaı qýanysh, qaıǵy bolmasyn, bіrgemіz. Baılanystamyz", – dep aǵynan jaryldy óner ıesі.
Óner ıesіnіń aıtýynsha, qazіr memlekettіk qyzmetker. Mádenıet basqarmasyna qarasty “Almaty áýenderі” ujymynda jumys іsteıtіn kórіnedі.
“Memlekettіk qyzmette júrsem de, sahnadan qol úzbedіm. Byltyr jumystyń janynan AQSh-qa baryp keldіk. Ol jaqtaǵy qandas baýyrlarymyzǵa kontsert qoıdyq. Naýryz toıyn toıladyq. Sol jaqta ekі jas úılenіp jatyr eken, kelіnnіń betіn ashtym. Betasharǵa bárі dollar berdі. Qazaq ónerі men únіn saǵynypty. Keremet esten ketpesteı jıyn óttі”, – deıdі ánshі.