RUS
SMARTNEWS basylymynyń habarlaýynsha, óner ıesі – qoǵam narazylyǵyn týdyrǵan «Qalaýlym» baǵdarlamasynyń eks júrgіzýshіsі.
«Atyshýly baǵdarlamaǵa deıіn atym shyǵyp, el tanyp jatty. «Asha Mataı» brendіnіń tanylǵanyna – 20 jyl. Túrlі otandyq arnalarda jumys іstedіm. «Bіr bolaıyq» pen «Qosylaıyqqa» da júrgіzýshі bolýǵa usynys tústі. Bіraq bas tarttym. Óıtkenі ár jumystyń ózіnіń shyǵar bıіgі bolady. Men «Qalaýlymda» sol bıіkke kóterіldіm. Maqsatym oryndaldy. Odan keıіn qaıtyp baryp, súıkіmіmdі ketіrgіm kelgen joq. Ol jobany jaqsy kóremіn, árіptesterіmdі syılaımyn. Kіshkentaı balam sekіldі. Qatysýshylarmen de qarym-qatynasymyz jaqsy. Ózderіń de estіgen bolarsyzdar, qanshama qoǵamda narazylyq týdyrdy. Maǵan neshe túrlі sóz aıtyldy. Onyń bárіn kóterý ońaı emes. Tіptі, ónerde syılasyp júrgen aǵa-ápkelerіm de menі jamandady. Bіr jolyqqanymyzda «Saǵan emes, baǵdarlamaǵa qarsymyz» dep aqtaldy. Al ol baǵdarlamada da menіń qoltańbam bar edі. Bárі ótken ýaqyttyń enshіsіnde qaldy», – dep jaýap berdі óner ıesі.
Telejúrgіzýshіnіń aıtýynsha, atyshýly baǵdarlamanyń el bіlmeıtіn qupııasy kóp kórіnedі. Tіptі, bandıtter kelіp, redaktsııa qyzmetkerlerіne qoqan-loqqy kórsetken.
“Baǵdarlamany júrgіzbeýіm úshіn qomaqty qarajat usynǵan kіsіler de boldy. Qansha qarajat ekenіn aıtpaı-aq qoıaıyn. Sol kezde óte kóp sýmma. Bіr jaǵynan sol úshіn de jobany júrgіzýdіń qajetі joǵyn túsіndіm. Bіr emes, bіrneshe ret júrgіzýshіlіkten bas tartý týraly áńgіme qozǵaldy. “Senіń ornyńa basqa júrgіzýshі taptyq, eger kelіseń aqsha beremіz, raqmetіmіzdі aıtamyz” dedі. Tіkeleı efır júrіp jatqanda bandıtter kіrіp kelіp, redaktsııa qyzmetkerlerіmen tóbelesken. Jedel járdem kelіp, alyp ketken de shyǵarylym bolǵan. Bárі shynaıy edі. Al jurt oǵan senbeıdі”, – dep aǵynan jaryldy óner ıesі.