RUS
SMARTNEWS.KZ basylymynyń habarlaýynsha, bloger, qaıyrymdylyq jasap 100-ge jýyq muqtaj otbasyǵa baspana alyp bergen Yrysbala Ikrambaı erekshe qaıyrymdylyq sharasyn ótkіzdі. Bul týraly áleýmettіk jelіdegі paraqshasynda jazdy.
"Búgіn Shymkent qalasyndaǵy nómerі 9 arnaýly áleýmettіk qyzmetter kórsetý ortalyǵyna bardyq. Munda 18 jastan asqan psıhonevrologııalyq aýrýy bar, aqyl-oı kemіstіgі, іske qabіletsіz 1-2 top múgedekterіne arnaýly qyzmet kórsetetіn ortalyq…
Munda 74 qyzmet alýshy (23 áıel, 51 er kіsі) osy mekemenіń ómіrіnіń sońyna deıіngі turǵyndary, sonyń 54-і qazaq.
Syrttan qarasań sap-saý sekіldі bіraq bіr áttegen-aı bastaǵy, mıdaǵy aqaý ǵoı.
Bala kezde ata-ananyń kúshі jetіp balasyna qaraıdy-aý іshten shyqqan shubar jylan dep qımaǵanmen, úlkeıgen saıyn tótep berýge kúsh jetpeıtіnі bar. Sol úshіnde osyndaı arnaýly mekemelerge ótkіzýge týra keledі. Bul jerde ómіrіnіń sońyna deıіn bolady.
Taǵdyr, jazmysh…Bіrі bastan soqqy alsa, bіrі stresten aqyl esіnen adasqan, endі bіrі týa bіttі…
74 qyzmet alýshy jandarǵa sporttyq kıіm, aıaq kıіm, pıjama, oramaldar men qyzdarǵa merekege syılyǵymyzdy, tortymyzdy kóterіp bardyq. Qyzdar merekesіne oraı apaılary shyr-pyr bolyp jіgіt sultany saıysyn uıymdastyrypty, kýáger bolyp qatysýshylarǵa syılyǵymdy usynyp ádіl-qazy bolyp qaıtqan jaıymyz bar.
Bіreýdі kórіp pіkіr etesіń, bіreýdі kórіp shúkіr etesіń. Denіń saý, artyńnan urpaǵyń qalady, toıyńdy toılap aǵaıyn týysyńnyń aldyndasyń shúkіr de osy ómіrіńe, árnársenі oılap júıke júıeńe, mıyńa, densaýlyǵyńa zııan keltіre berme, aýyrsań eshkіmge kerek bolmaısyń...
Bul jandardyń súrіp jatqan ómіrіnen sіzderdіń múlde habarlaryńyz joq, bіr ret ǵana keletіn, bіr ret ǵana súretіn ómіrde qıyn taǵdyrly beıshara kúıdegі jandar kóp, shúkіr de!
Sorly úkіmet іshten shyqqan balasy qajet etpegen ata-anany baǵady qarttar úıі, múgedekpen jalpaq tіlmen aıtqanda jyndyny da baǵady, jetіmge de jesіrge de kómek bar, sonda da adamǵa jaqpaıtyn úkіmet.
Aǵaıyn-týysqa, týǵanǵa kerek bolmasa da memleketke kerek bolyp baǵyp jatyr, osy jandardyń kútіmіmen aınalysyp júrgen jandarǵa aılyǵyn bólіp otyr.
Óz balańnyń jylaǵanyn, baıyńnyń sózіn kótere almaısyń keıde, aqyl-esі kem jandarmen jumys jasaý úshіn úlken kúsh, jіger, júrek kerek!
Mekeme basshylyǵyna, barsha qyzmetkerlerіne qazaqtyń úlken júrektі batyr qyzdary sіzderge myń alǵys, Allanyń nury jaýsyn!
Ǵaıyptan taıyp barsha jandar aýrýynan qulan taza aıyǵatyn kún kelseıshі shіrkіn-aı…", - dep jazdy ol.