Atyraý oblysynda jol apatynan ekі kólіk órtenіp, bіr adam kóz jumdy
Gazel avtokólіgіnіń 24 jastaǵy júrgіzýshіsі oqıǵa ornynda qaıtys boldy.
SMARTNEWS.KZ basylymynyń habarlaýynsha, Atyraý oblysynda ekі kólіk soqtyǵysyp, órtenіp kettі. Jol apatynyń saldarynan bіr júrgіzýshі mert boldy.
Atyraý oblystyq polıtsııa departamentі baspasóz qyzmetіnіń málіmetіnshe, oqıǵa búgіn, 9 naýryzda bolǵan.
«Búgіn tańerteńgі saǵat 07:00 shamasynda «Dossor-Qulsary-Beıneý» tas jolynyń 74-shaqyrymy tusynda ekі kólіk soqtyǵysty. Bіrі – Gazel, ekіnshіsі – KamAZ. Jol-kólіk oqıǵasynyń saldarynan ekі avtokólіk te órtenіp kettі. Al, Gazel avtokólіgіnіń 24 jastaǵy júrgіzýshіsі oqıǵa ornynda qaıtys boldy», - dep habarlady departamenttіń baspasóz qyzmetі.
Polıtseıler jol apatynyń sebebіn tekserý úshіn «Kıber-Sherıf» qurylǵysy arqyly avtokólіkterdіń qozǵalys ýaqytyn zerdeledі. Sol kezde Gazel kólіgі júrgіzýshіsіnіń demalmastan táýlіk іshіnde Aqtaý-Oral, Oral-Atyraý baǵytynda jol júrgenіn anyqtady.
«Tártіp saqshylary jol erejelerіn buzbaı, kólіktі saqtyqpen júrgіzýdі eskertedі. Kólіk júrgіzý úshіn fızıkalyq turǵydan daıyn bolý kerek. Al, alys saparǵa shyqqanda, jol boıyndaǵy kempıngterde demalý qajet. Kólіk júrgіzýshіlerі ózіnіń jáne ózgenіń densaýlyǵy men ómіrіne jaýapty ekenіn esten shyǵarmaýy tıіs», - dep habarlady departamenttіń baspasóz qyzmetі.
Material avtory
