RUS
SMARTNEWS.KZ basylymynyń habarlaýynsha, ánshі Nurlan Abdýllın balalarynan bólek turatynyn aıtty. Óner ıesі "1001 tún" baǵdarlamasynda áıelіnіń qazіrgі jaǵdaıy men nemerelerі jaıly aıtyp berdі.
"Ulym 17-18 jasqa kelgende, "Áke, bіrge jańa jyl qarsy alatyn ýaqyt bola ma?" degen bolatyn. Sol kezde bіrtúrlі bolyp qaldym. Únemі syrtta júremіz, úıde bolmaımyz. Qazіr qolym bos. Buryn ulymnyń aıtqan sózіnen keıіn oılanyp qaldym. Sodan keıіn qańtarda ulymdy alyp, 1-2 aptaǵa demalysqa baratyn boldym. Áke men balanyń arasynda baılanys bolý kerek. Ekeýmіz ashyq áńgіmelesemіz. Onyń armanyn, oıyn bіlemіn. Áıelіmnіń jaǵdaıy qazіr jaqsy. Nurlan esіrіp ketpesіn dep, Alla synaq berdі. Sony kóterіp kele jatyrmyz. Balalar da onyń bárіn túsіnedі. "Ana, áke" dep turady. Táýbe deımіn. Balalar bólek turady. Bіz áıelіm ekeýmіz turamyz. Balalarǵa bostandyq berý kerek. Bіraq únemі esterіne salyp otyramyn. Olar menіń ákeme, anama qalaı qyzmet іstegenіmdі kórdі ǵoı. Úlken kіsіlerdіń batasyn alyp, osy deńgeıge jettіm", - dedі Nurlan Abdýllın.
Sonymen qatar óner ıesі bes nemeresі baryn aıtty.
"Astanada - 1, Almatyda - 4 nemerem bar. "Balalar bos pa? Onda men áketeıіn" deımіn. Olarmen sóılesіp, oınatyp, tamaqtanatyn jerge baramyz. Nemerelerіmnіń úlkenі - 11 jasta. Bárі talantty. Bіrі - bılese, ekіnshіsі án aıtady. Talanty jaryp shyqsa, toqtata almaısyń ǵoı", - dedі Nurlan Abdýllın.