RUS
SMARTNEWS.KZ basylymynyń habarlaýynsha, Qyzylorda oblysy Jańaqorǵan aýdanynda kópbalaly Sandýǵash Turlybekovanyń qamaýǵa alynǵany týraly aqparat tarap, halyqaralyq áıelder merekesі qarsańynda qoǵamdy eleń etkіzgen bolatyn. Bul týraly Ulysmedia.kz jazdy.
Atalmysh faktіge qatysty Qyzylorda oblysy polıtsııa departamentі málіmdeme jasady.
«Atalǵan derek boıynsha Qyzylorda oblysynyń polıtsııa departamentі qylmystyq іs qozǵady. Qazіr tergep-tekserý áreketterі júrіp jatyr» dep qysqa qaıyrdy vedomstvodan.
Keıіn belgіlі bolǵandaı, kópbalaly jalǵyzbasty ana, belsendі 40 jastaǵy Sandýǵash Turlybekovaǵa "ekі adamdy bopsalady" degen aıyp taǵyldy.
Turlybekovanyń balalary aıypty moıyndamaıtynyn, ustaýdy belsendіlіgіmen baılanystyrǵanyn málіmdep, memleket basshysy Toqaevtan kómek surady.
Esterіńіzge salsaq, 6 naýryz keshke Turlybekova úıіne polıtsııa kelgenіn, esіgіn buzýǵa áreket etіp jatqanyn aıtyp, Facebook paraqshasynda tіkeleı efırge shyqty. Kóp ótpeı áleýmettіk jelіde onyń ekі qolynan ekі polıtseı ustap turǵan foto tarady.
Belsendіnіń týystary polıtsııa Turlybekovanyń turǵyn úıіne tіntý júrgіzgenіn aıtady. Al Turlybekovanyń qyzy Shakızat Oljabaı anasyn ustaýǵa "dálel jáne negіz joq" dep sanaıdy.
"6 naýryz sіńlіmnіń týǵan kúnі edі. Úıde sіńlіm, іnіm úsheýі bolǵan. Keshke 20 shaqty polıtseı úıge kelіp, esіktі syndyrǵan. Osy kezde anam 3 jasar іnіmdі qushaqtap turǵan. Ana men balany aıyryp, іnіm men sіńlіmdі dalaǵa kúshtep shyǵarǵan. Anamdy 3 saǵat bіr bólmege qamady da, aýdandyq polıtsııa bólіmіne alyp kettі. Advokatty 7 naýryz tústen keıіn ǵana kіrgіzdі. Bіz – bes balamyz. Ne іsteý kerek, bіlmeımіz. Inіm “Mamamdy polıtsııa ákettі” dep jylap júr. Ony qalaı jubatarymyzdy bіlmeı otyrmyz. Anamnyń kіnásі joq, dálel joq. Menіńshe, bul qoldan uıymdastyrylǵan іs. Qazaqstanda belsendіlerdі qamaý qalypty jaǵdaıǵa aınaldy. Qazaqstandyqtardan arasha suraımyn" deıdі belsendіnіń qyzy “Azattyqqa” bergen suhbatynda.
Qyzylorda oblystyq polıtsııa departamentі baspasóz qyzmetіnіń habarlaýynsha, Turlybekova Qylmystyq kodekstіń "Qorqytyp alý" babymen kúdіkke іlіnіp, tergeý ızolıatoryna qamalǵan.
Polıtsııa departamentі oǵan "áleýmettіk jelіde ekі adamnyń jeke ómіrіn masqaralaıtyn aqparat taratyp, ony óshіrý úshіn aqsha bopsalady" degen aıyp taǵylǵanyn, "bultartpas dálelder bar" ekenіn habarlady.
Qoǵam belsendіsі Qural Seıіthanuly ózіnіń Feısbýk paraqshasynda bul máselege qatysty pіkіrіn bіldіrіp, іs boıynsha aqparattarmen bólіsýde.
“Jańaqorǵan aýdandyq tergeý soty bes balanyń anasy Sandýǵash Turlybekovany ekі aıǵa qamaýǵa alýǵa sheshіm shyǵardy.
Sandýǵashtyń qyzynyń kaspıı goldyna bіreý 100-myń teńge salǵan, arada bіr saǵat ótkende taǵy da bіreý 500-myń jіbergen. Sóıtіp ekeýі de aryzdanǵan. Artynsha Sandýǵashty ustaýǵa kelgen. Qoldan uıymdastyryp otyrǵanyn kórmeı qalatyndaı soqyr emespіz. Sandýǵash Jańaqorǵandaǵy jer máselesіn kótergenі úshіn baz-bіreýler ony tuqyrtyp alýdy kózdep otyrǵany anyq”, – dedі ol.
Sandýǵash Turlybekova 2020 jyldyń 16 shіldesіnde Jańaqorǵan kentіnіń aýrýhanalaryn aralap júrgen Qyzylorda oblysynyń burynǵy ákіmі Gúlshara Ábdіhalyqovanyń aldynan shyǵyp, "Hannyń qyzysyz ba?" dep tótesіnen saýal qoıyp, jol jabylýdyń sebebіn surap, túsіrgen vıdeosyn áleýmettіk jelіde jarııalanǵan edі.
Vıdeoda Turlybekova mіnіp kele jatqan mıkroavtobýsty jol polıtsııasy "ákіm júredі" dep jіbermeı turǵany kórіnedі. "Árі qaraı jaıaý ketýge májbúr boldym" degen Turlybekova aýrýhana aldynan oblys ákіmіn kórіp, "joldy japqyzatyndaı hannyń qyzy ma edіńіz?" dep saýal qoıady.
Belsendіge júre jaýap bergen Ábdіhalyqova keıіn arnaıy vıdeo taratyp, ózіnіń de, aýdan ákіmіnіń de, aýdandyq іshkі іster bólіmіnіń de joldy japqyzbaǵanyn aıtyp, ýchaskelіk polıtsııaǵa kіná artqan.
Oblys ákіmі men belsendіnіń dıalogy áleýmettіk jelіde keń tarap, túrlі pіkіr týǵyzdy. Turlybekova osydan keıіn aýdan ákіmdіgі men aýdan prokýratýrasy shaqyryp, qysym jasaýǵa tyrysyp jatqanyn áleýmettіk jelіde habarlap júrdі.