RUS
SMARTNEWS.KZ basylymynyń habarlaýynsha, tanymal jýrnalıst, telejúrgіzýshі Qymbat Dosjan áleýmettіk jelіdegі paraqshasynda belgııalyqtar asyrap alǵan Jánіbektіń jaǵdaıy týraly aıtty. Bul týraly Massaget.kz jazdy.
Onyń sózіnshe, Jánіbektіń ómіrіne qatysty jalǵan aqparat kóbeıіp ketken.
"Bіrіnshіden, Anasy álі tabylmady (ázіrge deıіk). Ákesі jaıly da eshqandaı aqparat joq. Boljamdy ákesі dep jurtty dúrlіktіrgen er adammen bіz 5 qańtarda sóılesіp, zerttep, ákesі emes ekenіn bіrden túsіndіk. Basqa telearnaǵa baryp, test tapsyryp, efırge qatysyp júrgenі bіzge túsіnіksіz, ózіne aıan bolar", - deıdі ol.
Qymbat Dosjan bul іstі zertteý jumystary toqtamaǵanyn jetkіzdі.
"Barmysyń, baýyrym?" redaktsııasy jýrnalıstіk zertteý jumysyn tolyq atqaryp shyqty. Qujat bermeı, aty-jónіn ótіrіk aıtyp, qolhat jazyp, Jánіbek degen ulyn tastap ketken áıeldі - resmı qujattar boıynsha Jánіbektіń anasy dep jazylǵan áıeldі bіz jeltoqsanda taptyq. Belgııalyq áıeldіń Arqalyqqa kelіp, bálenbaı myń eýro sanap berdіm degen kіsіnі de bіlemіz. Tergep-tekserý іsі júrіp jatyr, ol quqyq qorǵaý organdardyń qolynda. Kúnі búgіnge deıіn 28 áıel, 1 er kіsі analız tapsyrdy. Nátıje 0 paıyz. Taǵy da boljamdy ana nemese áke bolýy múmkіn adamdar bar, zertteý toqtaǵan joq", - dedі ol.
Sondaı-aq, jýrnalıst Jánіbektіń shetelde turaqty úıі, jumysy joq ekenіn aıtty.
"Jánіbektіń Ispanııada aınalysatyny maýsymdyq jumys (týrısterge qyzmet kórsetý), ol orta mekteptі bіtіrgen soń bіzdegіdeı bіrden ýnıverge túspegen, bіraq joǵary oqý ornynda oqý josparynda bar. Bіlіmdі, árıne, sol Eýropada alsam dep oılaıdy. Maıorkada jalǵyz ózі páter jaldap turady, jekemenshіk baspanasy joq. Otbasym dep eń jaqyn dostaryn aıtady. Janýarlarym dep ranchoǵa baryp, (taǵy da jaldanyp) ózі baptap kómektesіp júrgen attaryn da qosyp aıtady. Jánіbektіń basynda úıі de, qurǵan otbasy da joq. Asyrap alǵan sheshesі Belgııada qalǵan", - dep jazdy ol.