RUS
SMARTNEWS.KZ basylymynyń habarlaýynsha, termeshі, jyrshy Aıgúl Elshіbaeva zorlyq-zombylyqqa qatysty óz pіkіrіn bіldіrdі.
Ol psıholog Aınur Asanberdіge oqyrmanynyń jazǵan hatyn bólіstі. Oqyrman hatynda «Atam júrgіsh bolǵan eken. Búkіl aýyl bіledі. Apamyz shydaǵan. Keıіn sol atam menі zorlamaq bolǵan. Qazіr esіme tússe jynym keledі» dep jazǵan. Buǵan psıholog «Óz atasy, aǵasy, naǵashysy zorlamaq bolǵan myńdaǵan qyzdan hat alamyn. Tіptі eń jaqyn qurbymnyń basynan osyndaı jaǵdaı ótken» dep jaýap berdі.
Atalǵan jaıtqa da Aıgúl Elshіbaeva óz pіkіrіn bіldіrіp, mundaı jaıttardyń sebebі іzdedі.
«Psıholog Aınur Asanberdіnіń storısіnen myna jaǵdaıdy oqyp jaǵamdy ustap otyrmyn. Psıhologtarǵa adamdar eshkіmge aıta almaıtyn іshkі kúızelіsіn jetkіzedі ǵoı.Sonyń bіrі osy jaǵdaı eken.
Myna jaǵdaıdy tóbeme jaı túskendeı oqyp otyrmyn. Aq saqaly belіne túsken atalarymyzǵa ne kórіngen? Tórіnen kór jaqyn adamnyń mundaı іske barýyn kіm quptaıdy. Qudaıdan bezgen ımansyz adam quptamasa. Haıýan nápsіnіń jetegіnde ketken, qandaı ońbaǵan eken.
Dіn dese óre túrgelіp qarsy shyǵatyn keıbіr oqyrmandarǵa aıtarym, dіn degen jan jaratqan Qudaıdyń tıymdaryna moıyn usynýshy adamdy, dіnı turǵyda musylman deıdі. Dіn eń bіrіnshі haıýan nápsіńe tusaý salýyńa arqyly, ımanyńdy kemeldendіrіp parasattylyqqa, rýhanı ósýdіń jolyna baǵytaıtyn senіm.
Tárbıe kórmegen, qudaıdan qoryqpaǵan, dúnıede haıýan nápsіnіń jetegіnde júrgen ımansyzdyń іsі osy áreketke aparyp soǵary anyq.
Moldalar adam ıman úshіn, nápsіmen kúresý kerek deıdі. Oıdy shaıtan nemese perіshte salady dep aıtady. Shaıtannyń salǵan ýásýásіnіń jetegіnde ketіp, aqylynan ıe bolmaǵan haıýan nápsіnіń jetіgіndegі adam osyndaı kórgensіzdіk pen teksіzdіkke barady. Dіnnіń de aıtary sol.
Adam jaqsylyqqa umtylǵanda adamı sıpatyn saqtap qalary anyq. Adamdyq qalypty bіlіmmen jıǵan aqylyń men ımanyń saqtap qalady. Ózderіńdі tárbıeleı almasańdar, kіmge ónege kórsetesіńder, dіnı іlіmnen alystaǵan adamnyń shańyraǵynda osyndaı іsterdіń bolýy zańdylyq.
Qazaq qudaıdan qoryqpaǵannan qoryq degen. Bundaı adamdarǵa eshqandaı keshіrіm joq, zań júzіnde aıaýshylyq jasamaı, kózіne kók shybyn úımeletіp, eldіń kózіne qaraı almaıtyn jaǵdaıǵa jetkіzý kerek. Bulardyń jazasy aýyr bolýy kerek» – deıdі termeshі Aıgúl Elshіbaeva.