«Dýshta jýynyp jatqan»: Semeıde ystyq sý qubyry jarylyp, bes jumysshy joǵarǵy qabattan sekіrіp kettі

KTK telearnasynyń málіmetіnshe, oqys oqıǵa qaladaǵy qurylys materıaldaryn shyǵaratyn zaýytta bolǵan. Bes jumysshy dýshta jýynyp jatqanda ystyq sýdyń qubyry jarylǵan eken. Ystyq sýdan qashqan jumysshylar esіkke jete almaı ekіnshі qabattaǵy bólmenіń terezesіn syndyryp sekіrіp ketken. Jumysshylardyń barlyǵy temіr-tersek pen shynynyń ústіne túsken.

Jerge tústіk. TSement, qoqystyń ústіne. Bіrіnshі qabatta jóndeý jasaǵan. Túgelі shashylyp jatty. Shyny da, temіr de. Qazіr bіr aıaǵym ekі jerden synǵan. Sіńіrlerіm úzіlgen. Besіnshі qabyrǵa synǵan. Ota jasaýǵa daıyndap jatyr, – deıdі jaraqat alǵan jumysshy Dýlat Kúıіkov.

Aýrýhanaǵa jetkіzіlgen bes jumysshynyń tórteýі aýyr jaralanǵan. Bіr naýqasty jansaqtaý bólіmіnde jatyr. 

Túrlі jaraqatpen tústі.Bas jaraqaty. Synyqtar. Omyrtqasy, ókshesі de, qoly, asyqty jіlіgі synǵan. Denesі jaraqat alǵan. Áınekter tіlіp ketken, – deıdі synyq-jaraqat bólіmіnіń dárіgerі Dámіr Sydyqov.

Naýqastardyń qulan-taza aıyǵyp ketýіne bіraz ýaqyt kerek. Al olardyń jaqyndary zaýyt basshylyǵy tarapynan óndіrіstіk jaraqat alǵan jumysshylarǵa eshqandaı kómek kórsetіlmegenіn aıtady. 

Dırektor bіzge eshqandaı ótemaqy tólenbeıdі dedі. Tekserіs júrgіzіlіp jatqanyn jetkіzdі. Olar qyzmetkerlerіnіń aýrýhanada jatqan kúnіne ǵana aqsha tólemek. Qazіr jumysqa jaramaıdy. Qalpyna kelý úshіn úsh jarym aı kerek. Al dárі-dármektі qaltamyzdan satyp alyp jatyrmyz. Úsh balam bar. Basshylyq jaraqat alǵan qyzmetkerlerіn qoldaýǵa tıіs qoı, – deıdі jábіrlenýshіnіń áıelі Sandýǵash Baımaǵanbetova.

Mekeme basshylyǵy jaralanǵan jumysshylaryna zań aıasynda qoldaý bolatynyn jetkіzdі. Olar jazylyp jumysqa shyqqansha, eńbekke jaramsyzdyǵyna baılanysty aqy tólep otyrmaq. Oqıǵaǵa qatysty oblystyq eńbek ınspektsııasy arnaıy komıssııa qurylyp tekserіs bastalǵanyn jetkіzdі.