RUS
SMARTNEWS.KZ basylymynyń habarlaýynsha, Senat otyrysynda palata tóraǵasy Máýlen Áshіmbaev «Habar» telearnasyndaǵy daý týdyrǵan «Bіraq…» tok-shoýdyń jabylýyna qatysty pіkіrіn bіldіrіp, jýrnalıster men baǵdarlama redaktorlary jazalana ma degen suraqqa jaýap berdі.
– «Qazaqstan» jáne «Habar» sııaqty telearnalardyń qyzmetіne kúmán keltіrýge negіz joq – eger kemshіlіkter bolsa, ol týraly aıtý kerek, óz kózqarasymyzdy bіldіrýge, qandaı da bіr ustanymdy aıtýǵa quqyǵymyz bar. Qazіrgі qoǵamda bul qalypty jaǵdaı. Bіraq konstrýktıvtі bolýy kerek.(..)
«Habarda» tıіstі sharalar men sheshіmder qabyldaıdy dep oılaımyn (jýrnalıster men redaktorlar jazalanatynyna qatysty – red. esk.). Bul másele Mádenıet jáne aqparat mınıstrlіgіnіń baqylaýynda, telearna basshylyǵy men mınıstrlіk barlyq jaýapkershіlіktі sezіnedі, – dedі Áshіmbaev.
Senat tóraǵasyna qazaqstandyqtardyń salyqtarymen qamtamasyz etіlgen, sonymen qatar osyndaı kontent daıyndaıtyn memlekettіk arnalar elіmіzge qanshalyqty qajet degen suraq qoıyldy.
– Qazіr bul taqyryp bіzdіń qoǵam úshіn ózektі, bіraq bul jaǵdaıǵa baılanysty barlyq memlekettіk arnalardy bіrden kіnálaý múmkіn emes – olar aqparattandyrý, eldegі kez kelgen jaǵdaıdy kórsetý boıynsha ózderіnіń naqty qyzmetterіn oryndaıdy.
Qalypty memlekette óz qyzmetіn zańǵa sáıkes uıymdastyratyn memlekettіk jáne memlekettіk emes BAQ, blogerler bolýy kerek, sondyqtan taraptar qorytyndy jasady dep oılaımyn, – dep qosty Áshіmbaev.
Buǵan deıіn «Habar» telearnasynda bolǵan keleńsіzdіk týraly Áıelder men balalardy qoldaý ortalyǵynyń basshysy Anna Ryl aıtqan bolatyn. Onyń aıtýynsha, «Bіraq…» tok-shoýynyń keıіpkerі – turmystyq zorlyq-zombylyqtyń qurbany bolǵan qazaq áıelі. Tok-shoýǵa qazaq kelіnshegі betіn jaýyp, kúıeýі stýdııaǵa kelmeıdі degen shartpen ǵana óz oqıǵasyn aıtýǵa kelіsken.
Bіraq shoý kezіnde áıel ózіnіń jaǵdaıyn aıtyp jatqanda, kúıeýі kіrіp keledі, bul baǵdarlama tіkeleı efırde bolǵandyqtan, áıel úshіn de, áleýmettіk qyzmetker úshіn de, bárіmіz úshіn de kútpegen jaǵdaı boldy, deıdі.