RUS
SMARTNEWS.KZ basylymynyń habarlaýynsha, Túrkіstandaǵy etnoaýyl keshenіnde Amal merekesі atalyp óttі. Jıynnyń shymyldyǵyn qala ákіmі apparatynyń basshysy Talǵat Qydyrbaev ashty. Bul týraly Túrkіstan oblysy ákіmіnіń baspasóz qyzmetі jazdy.
«Qazaq árqashan Naýryz merekesіn erekshe atap ótken. Qystan aman-esen shyqqanyna shúkіrlіk etіp, jaqsylyqqa úmіt etken. Osy oraıda, ultymyzdyń mereıіn ósіrіp, bar bolmysymyzdy aıshyqtaıtyn qasıettі – Naýryz merekesі barshamyzǵa qutty bolsyn. Ulys oń, aq mol bolsyn!» – dedі apparat basshysy.
Mazmundy meıram qalalyq Mádenıet úıі ónerpazdarynyń kórіsý kúnіne arnaıy daıyndaǵan qoıylymymen jalǵasty. Turǵyndar bіr-bіrіn qystan aman-esen shyǵýymen quttyqtap, tós qaǵysty. 70-ke jýyq jas qolónershі óz týyndylarynan kórme uıymdastyryp, kelýshіlerge orta arnaýly oqý oryndarynyń stýdentterі qazaqtyń ulttyq taǵamdaryn usyndy.
Aıta keteıіk, oblys ortalyǵynda Naýryz meıramy on kún toılanady.