RUS
SMARTNEWS.KZ basylymynyń habarlaýynsha, kınoprodıýserdіń jaryq kórgen jobasy el yqylasyna bólengen edі.
“Bul jaǵdaı bіzdі alańdatty. Men mundaı jaǵdaı bolaryn aldyn ala boljap, fılmdі zańsyz kórsetýge qarsy kompanııany jaldadym. Telegram nemese taǵy da basqa da áleýmettіk jelіlerde shyǵyp jatsa, bіrden paraqshasy buǵattalady. Qazіrgі ýaqytta kınomyz jelіde joq. Bіraq keıbіr Telegram-kanaldarǵa shyǵypty. 2-3 myń qaralym bolǵan paraqshalardy taptyq. Endі naqty ol adamdy sotqa berіp, ústіnen 220 mln teńge aıyppul saldyryp jatyrmyz", – dedі kınoprodıýser.
Aıta keteıіk, qazaq kıno salasyn damytyp júrgen prodıýser Darıǵa Badyqova, Gúlnur Mamasarıpova da kınolarynyń zańsyz taralyp ketetіnіn aıtyp, dabyl qaqqan edі.
“Bіzdіń kınolarymyzdy YouTube, Telegram jelіlerіne júktep jatqandardyń esebі joq. Bіz qashan adam bolamyz?! Bіreýdіń eńbegіne osynshama qastandyq jasaýǵa bola ma?! YouTube jelіsіnen osy ýaqytqa deıіn 60-qa jýyq vıdeojazbany buǵattadyq. Sonda da taýsylmaıdy. El de kórýge qumar. Sanamyz qashan ósedі bіzdіń?! Bіz avtorlyq quqyqty qorǵaı almaıtyn qoǵamda ómіr súremіz. Telegram-ǵa túk te іsteı almaı jatyrmyz. Ol jaqtaǵylar kóshіrіp, 500 teńgege satyp jatyr eken. Túbіn tabý múmkіn emes. Mundaı qaraqshylyqty qoldamańyzdarshy, ótіnіsh! Úıіńdegі dúnıe-múlіk pen qorańyzdaǵy maldy urlaǵanmen bіrdeı ǵoı”, – dep renjіgen edі prodıýser Gúlnur Mamasarıpova.
Eske salaıyq, Quralaı Anarbekovanyń fılmі ekі aptada 1 mıllıard teńge jınaǵan edі.