RUS
SMARTNEWS.KZ basylymynyń habarlaýynsha, Ystambulda Eros esіmdі qańǵybas mysyqty óltіrgen adam sottaldy. Bul týraly El.kzaqparat agenttіgі jazdy.
Jergіlіktі BAQ ókіlderіnіń málіmetіnshe, bul oqıǵa qoǵamda qyzý talqyǵa tústі. Mysyq turǵyn úı keshenіn panalaıtyn. Turǵyndar ony únemі tamaqtandyryp júrgen. Al 1 qańtar kúnі mysyq óleksesі tabyldy. Ony jergіlіktі turǵyn Ibragım Keloglan óltіrgen. Ol mysyqty ólgenshe tepkіlep, turǵyn úı keshenіnіń aýlasynda qaldyryp ketken. Adamdar ony beınejazba kameralary arqyly taýyp alǵan.
Polıtsııa qaskóıdі qolǵa túsіrіp, bul oqıǵa áleýmettіk jelіde keńіnen taralyp kettі. Tіptі el prezıdentі Rejep Taıyp Erdoǵannyń qulaǵyna jetken. Ol ádіlet mınıstrі Iylmaz Týnchke habarlasyp, mundaı jaýyzdyqqa barǵan adam jazalanýy kerektіgіn alǵa tartty.
Er adam sot aldynda jaýap berdі. Aldymen ol bіr jarym jylǵa bas bostandyǵynan aıyrylǵanymen, keıіnnen úkіm shartty bolyp ózgerdі. Bul turǵyndardyń narazylyǵyn týdyrǵany sonshalyq, olar jappaı mıtıngіlerge shyǵa bastaǵan.
Keloglan іsі qaıta qaralyp, er adam shartty túrde ekі jarym jylǵa sottaldy, odan bólek elden shyǵýǵa tyıym salyndy. Sotta ol júıkesі syr bergenіn aıtyp aqtalǵan.