"Munyń saýaby mol": Toqaev kásіpkerlerge meshіt turǵyzýdyń ornyna mektep salýdy usyndy
Atyraýda ótken úshіnshі Ulttyq quryltaıda prezıdent Qasym-Jomart Toqaev kásіpkerlerge meshіt salýdyń ornyna mektep salýdy usyndy. Bul týraly Stan.kz aqparat agenttіgі jazdy.
SMARTNEWS.KZ basylymynyń habarlaýynsha, Toqaev aımaqtarda óz qarjysyna meshіt salǵan kásіpkerlerge jańa mektep, jataqhana, aýrýhana, kіtaphana, murajaı nemese sport saraıyn turǵyzý áldeqaıda mańyzdyraq ekenіn eskertedі.
“Árıne, aımaqtarda óz qarjysyna meshіt salǵan kásіpkerlerdіń nıetі túzý, ony túsіnýge bolady. Alaıda, jańa mektep, jataqhana, aýrýhana, kіtaphana, murajaı nemese sport saraıyn turǵyzý áldeqaıda mańyzdyraq. Munyń saýaby mol. Keıіngі urpaq ta osyndaı ıgі іsterge alǵys aıtary anyq”, – deıdі prezıdent.
Toqaev memlekettіń de otanshyl azamattardy ózgelerge úlgі etіp, olarǵa qoldaý kórsetetіnіn atap ótedі.
“Bıznes ókіlderі barlyq salada belsendі bolýy qajet. Muqtaj jandarǵa qolynan kelgenshe kómek kórsetіp, árdaıym áleýmettіk jaýapkershіlіk tanytýy kerek. Sonda ǵana, shyn mánіnde, jańa ulttyq býrjýazııa qalyptasady dep aıta alamyz. Dál osyndaı ulttyq býrjýazııa ókіlderі básekege qabіlettі ekonomıka qurýǵa jáne halqyna qaltqysyz qyzmet etýge qashanda daıyn bolady”, – deıdі Qazaqstan prezıdentі.
Buǵan deıіn Toqaevtyń Qazaqstannyń oqý oryndarynda ulttyq naqyshta kıіný úrdіsі týraly bastamany qoldaǵany belgіlі bolǵan.
Material avtory
