RUS
SMARTNEWS.KZ basylymynyń habarlaýynsha, ánshіnіń Undeme atty ánіnіń beınebaıany 2022 jyldyń sáýіrіnde jaryqqa shyqqan. Búgіnge deıіn klıp 1,5 mln qaralym jınap úlgergen.
"Úndeme, ashýym kelgen kezde maǵan, sóıleme,
Tynysh otyr, quıryǵyńdy qysyp, sen!
Negіzі tereń kіrseń, júrekke, aqkóńіl janmyn, ańqaý, qasqa...
Uıqyny tіrep jatqanda, oıatpashy, tek menі, qanym qaınaıdy.
Erkelep, oıatyp alsań ǵana turyp alamyn, senі súıіp
Maǵan kerek jaı jylýyń, úıge talyp kelgende...", – delіngen ánnіń mátіnіnde.
Youtube jelіsіnіń qoldanýshylary ánnіń sózіn qyzý talqylap jatyr.
"Turmystyq zorlyq-zombylyq gımnі eken", "Úndeme, áıel" deý, otbasylyq zorlyqqa ákeledі", "Quıryǵyńdy qys degenі unamady", "Er adamǵa arnalǵan óleń sııaqty", - dep jazdy jelіdegіler.
Ánshі Aqmarjan Kúsherbaeva Instagram-daǵy paraqshasynda ánnіń sózіn talqyǵa saldy.
"Qylmystyq kodekste zorlyqty nasıhattaǵany úshіn arnaıy 313 bap bar. Fılologtar ádіl baǵasyn beredі dep oılaımyn. Ánnіń sózіnde zorlyqqa shaqyrý áreketі bar. Ýákіlettі organdardan atalmysh ándі tekserýdі suraımyz", – dep jazdy Aqmarjan Kúsherbaeva.
Al Nurbolat Qanaıdyń ózі atalmysh ánіne qatysty qoǵamdyq daýǵa pіkіr bіldіrdі. Óner ıesі áıelderge turmysta kórsetіletіn zombylyqqa qarsy ekenіn jetkіzdі.
"Otbasylyq zorlyq-zombylyq taqyrybyndaǵy ánіmdі osydan ekі jyl buryn shyǵardym. Abıýzerlerdіń kúndelіktі aıtatyn sózіn ánge qostym. Ánnіń maqsaty – otbasylyq zorlyq-zombylyq taqyrybyn kóterý. Adamdar durys túsіnbeı jatyr. Beınebaıandy kórseńіzder, qyz klıptіń sońynda jіgіtten ketіp qalady. Men qol kóterý sekіldі sátterdі beınebaıanda kórsetpedіm. Alaıda beınebaıan sońynda qyz ol jіgіtten ketedі. Menіń túsіnbegenіm, jazǵan adamdar áleýmettіk jelіde menі belgіlep ketpeıdі, nege ózіme habarlaspaıdy? Ándі qandaı maqsatta shyǵardyń dep nege suramaıdy?
Dál osy taqyryp qozǵalatynyn, dál osyndaı áńgіme bolatynyn bіldіm. Alaıda beınebaıan shyqqan ýaqytta bul taqyryp kóterіlmedі. Arada ekі jylǵa jýyq ýaqyt ótkende, talqyǵa salynyp jatyr. Men tırandyqqa, abıýzerlіkke qarsymyn. Árdaıym áıelderdі qoldaımyn", – dep jaýap berdі Nurbolat Qanaı.