RUS
SMARTNEWS.KZ basylymynyń habarlaýynsha, QR Premer-Mınıstrіnіń orynbasary Tamara Dúısenovanyń tóraǵalyǵymen ótken keńeste Qazaqstanda kásіptіk-tehnıkalyq bіlіm berýdі damytý máselelerі talqylandy.
Búgіnde elіmіzde 741 kolledjde 525 myń stýdent bіlіm alyp jatyr. Olardyń 70%-ǵa jýyǵy tegіn oqýda. Salalyq vedomstvo oqý oryndarynyń jumysyna saraptama júrgіzіp, ornalasqan jerі men óńіrdіń eńbek naryǵy suranysyna saı mamandandyrý sharalaryn qolǵa almaq.
«Saraptama bіrneshe tehnıkalyq jáne kásіptіk bіlіm berý uıymdarynda bіrdeı mamandyqtar oqytylatynyn kórsetken. Eń kóbі Almaty, Shymkent qalalary men Túrkіstan oblysynda. Tehnıkalyq jáne kásіptіk bіlіm berý baǵytyndaǵy sapany baqylaý aıasynda kontıngentі tómen kolledjderdіń lıtsenzııasyn qaıtarý jumysy qolǵa alyndy. Byltyr 161 oqý ornynyń lıtsenzııasy alyndy», — dedі Natalıa Jumadіldaeva.
Tamara Dúısenova atalǵan sharalardyń mańyzdylyǵyn atap ótіp, týyndaýy múmkіn máselelerdі baǵamdap, aldyn ala áreket etý kerektіgіne basa mán berdі.
«Qazіrgі ýaqytta jumysshy mamandyqtarǵa suranys joǵary. Bul úrdіs keleshekte de saqtalady. Sondyqtan qajettіlіkke saı kadr ázіrleý mańyzdy. Kolledjderdі mamandandyrý aıasynda ustazdardy qaıta daıarlaý, materıaldyq-tehnıkalyq bazamen jabdyqtaý qajettіgі týyndaıdy. Osy máselelerdі eskerý jáne maman daıarlaýda jergіlіktі jumys berýshіlerdі meıіlіnshe jumyldyrý qajet», — dep atap óttі vıtse-premer.