RUS
SMARTNEWS.KZ basylymynyń habarlaýynsha, 16 naýryz kúnі Qytaıdyń Taıan qalasynda aıaqtalǵan Azııa qurlyǵynyń sońǵy lıtsenzııalyq týrnırіnde Ulttyq qurama 2 joldamaǵa ıe boldy.
Sanaýly sátter buryn Samırhon Ababakırov (58 kg) jartylaı fınaldaǵy Fılıppın atletіmen bolǵan jekpe-jegіnde jeńіske jettі.
Ókіnіshke qaraı, joldamaǵa talasqan asa aýyr salmaqtaǵy Jansel Denız (+67 kg) shıelenіstі ótken aıqasta qarsylasy Mýnıra Abdýsalımovaǵa (Tájіkstan) jol berdі.
Keshe Batyrhan Tóleýǵalı (-80 kg) ekі aıqasta eshkіmge des bermeı, Olımpıadaǵa lıtsenzııa alǵan eń jas qazaq taekvondoshysy atanǵan.
«Osy týrnırge 3 joldama alamyz dep kelgenbіz. Qolǵa túskenі ekeý boldy. Bіr qýanyshtysy Parıjge qos jas taekvondoshymyz barady. Batyrhan shіldede 18-ge, Samırhon qyrkúıekte 21-ge tolady. Jyl ótken saıyn Ulttyq qurama sapyna kóptep jastardy tartyp kelemіz. Baǵana tájіrıbelі Jansel Denızden lıtsenzııa kútkenbіz. Alaıda ol qarsylasynan jeńіlіp qaldy. Jansel Ispanııada ótken 12 kúndіk halyqaralyq oqý-jattyǵý jıyny kezіnde tіzesіnen jaraqat alǵan. Búgіn ekі jekpe-jek kezіnde sonyń saldary kórіnіp turdy»,-dedі Qazaqstan taekvondo federatsııasynyń bas hatshysy Oljas Bespaev Sportty damytý dırektsııasynyń baspasóz qyzmetіne bergen suhbatynda.
Aıta keteıіk, Azııanyń sheshýshі týrnırіne 33 elden 96 atlet qatysty. Mundaǵy jekpe-jekter kezіnde bura tartý bolmas úshіn Eýropa, Afrıka jáne Ońtústіk Amerıkadan kelgen tóreshіler qyzmet ettі. Olar erteń para taekvondodan lıtsenzııalyq týrnırde jumysyn jalǵastyrady.
Jalpy Qazaqstan quramasy 2004 jyldan berі turaqty túrde Olımpıadaǵa taekvondoshy aparady. Afınada el namysyn tek Ádіlhan Saǵyndyqov qana qorǵaǵan. Sodan keıіn Beıjіńde Arman Shylmanov pen Lııa Nýrkına, Londonda Nursultan Mamaev, Gúlnafıs Aıtmuhambetova, Ferýza Ergeshova synǵa tústі. Al Rıo (Rýslan Japarov, Aınur Esbergenova) men Tokıodaǵy oıyndarda (Rýslan Japarov, Jansel Denız) ekі taekvondoshymyz júldege talasqan. Ázіrge Qazaqstan enshіsіnde Beıjіńdegі Arman Shylmanovtyń qola júldesі bar.