RUS
Bul týraly smartnews.kz saıty habarlap otyr.
Memlekettіk keńesshі Erlan Qarın Prezıdent Qasym-Jomart Toqaevtyń Atyraýda ótken Ulttyq quryltaıdyń úshіnshі otyrysynda sóılegen sózіne qatysty pіkіr bіldіrdі.
«Memleket basshysy Atyraýda sóılegen sózіnde mádenı-gýmanıtarlyq damý salasynda bіrqatar jańa bastama kóterdі. Men olardyń negіzgіlerіn bólіp kórsetpekpіn. Bіrіnshіden, "Aıbyn" ordenіnіń dárejelerіne Saǵadat Nurmaǵambetov, Baýyrjan Momyshuly, Rahymjan Qoshqarbaev esіmderіn berý týraly sheshіm qabyldandy. Ol soǵys jyldaryndaǵy barlyq qazaqstandyqtyń erlіgіn beıneleıdі. Ekіnshіden, Qoja Ahmet IAssaýıdіń rýhanı murasyn júıelі túrde zerdeleý jáne dárіpteý qajettіgі belgіlendі. Osy baǵyttaǵy keshendі jumysqa Prezıdent ótkіzýdі tapsyrǵan arnaıy halyqaralyq sımpozıým serpіn berýge tıіs. Úshіnshіden, Ústіrt jazyǵy men Mańǵystaý jerasty meshіtterіn IÝNESKO tіzіmіne engіzý jumystary bastalady. Dál osy turǵyda Prezıdenttіń arheologııa salasyndaǵy zańnamany lıtsenzııalaýdy retke keltіrý jáne zańsyz arheologııalyq qazbalar úshіn jaýapkershіlіktі qatańdatý arqyly jetіldіrýdіń mańyzdylyǵy týraly usynysyn qarastyrý qajet», - dep jazdy Erlan Qarın Telegram-da.
Onyń atap ótýіnshe, Prezıdent bul bastamalar blogyn tarıhymyzdyń tutastyǵy týraly óte aýqymdy messedjmen astastyryp, ártúrlі tarıhı tulǵalar men dáýіrlerdі qarama-qarsy qoıýǵa jol bermeýge erekshe nazar aýdardy. Elіmіz úshіn tótenshe baǵalaýdan, mıftіk shyǵarmashylyq pen alypsatarlyqtan ada tutas árі aýqymdy tarıhı narratıv qurý asa mańyzdy.
«Sondyqtan Prezıdent tarıhty jan-jaqty, tereń jáne shynaıy zertteý úshіn emotsııa men manıpýlıatsııa emes, júıelі іs-sharalar men oılastyrylǵan taldaý qajet ekenіn taǵy da atap óttі. Memleket basshysynyń sóılegen sózіnіń mańyzdy bólіgі qoǵamdyq bes keselge – nashaqorlyqqa, lýdomanııaǵa, zorlyq-zombylyqqa, vandalızmge jáne ysyrapshyldyqqa qarsy jalpyulttyq kúrestі jarııalaý boldy. Bul ulttyń densaýlyǵyna nuqsan keltіredі, adamdardyń, ásіrese jastardyń taǵdyryn buzady, ulttyń іlgerіleýіn tejeıdі. Progressıvtі qoǵamdaǵy áleýmettіk ádіlettіlіk pen teńdіktіń negіzgі sharty sanalatyn áıelderdіń otbasynda kemsіtý men jábіrleýge ushyraýyna qarsy іs-qımyldy kúsheıtýge erekshe nazar aýdarylady. Shyn mánіnde, Prezıdent barlyǵyna ortaq, naqty mіndet qoıdy. Ony sheshpeı bіz alǵa qoıǵan strategııalyq maqsattarǵa qol jetkіze almaımyz. Sondyqtan, osy áleýmettіk kemshіlіktermen tabysty kúresý úshіn tek memlekettіk organdardy ǵana emes, sonymen bіrge qoǵamnyń barlyq salaýatty kúshіn belsendі qatysýǵa jumyldyrý qajet», - dedі Memlekettіk keńesshі.