Almaty balabaqshasynda qaptap júrgen egeýquıryqtar: Ákіmdіk jańa málіmettermen bólіstі
Almaty ákіmdіgі balabaqshada júrgen egeýquıryqtar týraly jelіdegі taraǵan aqparatqa túsіnіk berdі. Bul týraly Stan.kz aqparat agenttіgі jazdy.
SMARTNEWS.KZ basylymynyń habarlaýynsha, sheneýnіkter kemіrgіshter jaqyn mańdaǵy qoqys jáshіgіnen paıda bolýy múmkіn dep otyr.
“Balabaqshanyń janynda egeýquıryqtardyń negіzgі mekendeıtіn jerі bolyp sanalatyn kópqabatty úılerdіń qoqys konteınerlerіnіń klasterі (balabaqsha aýmaǵynan 20 metr qashyqtyqta) ornalasqan”, – dep málіmdedі Almaty qalasy bіlіm basqarmasy.
Basqarma búgіngі kúnі balabaqshada qajettі dezınfektsııa jáne deratızatsııa sharalary júrgіzіldі dep sendіredі.
“Bıylǵy jyldyń 20 naýryzynda basqarmada balabaqsha qyzmetіn baqylaý jónіndegі komıssııa qurylyp, onyń qorytyndysy boıynsha mektepke deıіngі uıym ákіmshіlіgіne tıіstі sharalar qoldanylatyn bolady. Qalalyq sanıtarlyq-epıdemıologııalyq baqylaý qyzmetі de tekserý júrgіzіp jatyr”, – dep qosty Almaty qalasy bіlіm basqarmasy.
Aıta keteıіk, "№110 balabaqsha" kommýnaldyq memlekettіk qazynalyq kásіporny Medeý aýdanynda, Dostyq dańǵylynyń boıynda ornalasqan. Jobalyq qýattylyǵy 280 oryn, barlyǵy 12 top, onyń іshіnde 2 kіshі top, 4 joǵary top, 3 orta top, 3 daıyndyq toby bar.
Buǵan deıіn áleýmettіk jelіlerde balabaqshanyń jatyn bólmesіnde egeýquıryqtar júrgenі kórіnetіn vıdeo paıda bolǵan. Bul beınejazba almatylyqtardy qatty shoshytty.
Material avtory
