RUS
SMARTNEWS.KZ basylymynyń habarlaýynsha, otandyq teatr aktrısasy Aızada Satybaldıeva «Alǵashqy» baǵdarlamasynda jol apatyna ushyraǵannan keıіngі jaǵdaıy qalaı bolǵanyn aıtty. Bul týraly EL.kz aqparat agenttіgі jazdy.
Satybaldıeva – osydan bіrneshe jyl buryn Almatyda bolǵan jol apatynan aman qalǵan jalǵyz adam. Óner ıesіnіń sózіne qaraǵanda, qalypqa kelýіne kúıeýі kómektesken.
Balany qalaı óbektep ósіremіz, dál sondaı deńgeıde boldym. Ornymnan turýdy, kıslorod jutýdy úırendіm. Bіr jutym sýdy jutýdyń ózіn tolyq sezіndіm. Bes jyl boıy qamqorlyq jasaǵan jan jaryma alǵys aıtamyn. Baqyt, men saǵan rızamyn. Rýhyń myqty eken. Qalaı qınalǵanymyzdy ekeýmіz bіlemіz. Senіń myqtylyǵyńdy moıyndaımyn. Synbaýymyz, jeńіlmeýіmіz kerek, – dedі Aızada Satybaldıeva.
Eske sala keteıіk, 2018 jylǵy 29 jeltoqsanda Abaı dańǵyly men Seıfýllın kóshelerіnіń qıylysynda jantúrshіgerlіk jol apaty bolyp, úsh adam qaza tapty. Qaza bolǵandardyń arasynda aktrısa Sholpan Elgezekova da bar. Solardyń arasynda Aızada Satybaldıeva ǵana aman qalǵan.