RUS
SMARTNEWS.KZ basylymynyń habarlaýynsha, Májіlіs kredıt berý kezіndegі táýekelderdі barynsha azaıtý jáne qaryz alýshylardyń quqyqtaryn qorǵaý, qarjy naryǵyn retteý jáne atqarýshylyq іs júrgіzýdі jetіldіrý máselelerі boıynsha depýtattardyń bastamasymen ázіrlengen zańdy ekіnshі oqylymda qabyldady. Bul týraly Májіlіstіń baspasóz qyzmetі jazdy.
Zań jobasyn qaraý barysynda depýtattar bіrіnshі oqylymnan keıіn nesıeler men mıkrokredıtter boıynsha jyldyq tıіmdі paıyzdyq mólsherlemenіń shektі kólemіn anyqtaý, 2026 jylǵa deıіn azamattardyń banktegі nesıelerі jáne mıkrokredıtter boıynsha qaryzdaryn kollektorlyq agenttіkterge satýǵa moratorıı engіzý, PDL mıkrokredıtterіn nemese jalaqyǵa deıіn dep berіletіn shaǵyn nesıelerdі retteýdіń erekshe rejımіn alyp tastaý týraly túzetýler engіzdі.
Bank ombýdsmenіne tek banktіk nesıeler boıynsha daýlardy qaraý ókіlettіgі berіledі. Sonymen bіrge mıkrokredıtter boıynsha daýlardy qaraý quzyretіn beretіn mıkroqarjy ombýdsmenі ınstıtýty engіzіledі.
Sondaı-aq bіrіnshі nemese ekіnshі toptaǵy múgedektіgі bar adamdar turatyn otbasylardy qorǵaýǵa qatysty qosymsha normalar qarastyryldy. Jylý berý maýsymynda olardy jalǵyz turǵyn úıіnen shyǵarýǵa jol bermeý usynyldy.
Bankterge jáne bank operatsııalarynyń jekelegen túrlerіn júzege asyratyn uıymdarǵa jubaıynyń kelіsіmіnsіz jeke tulǵaǵa banktіk qaryz berýge tyıym salynady. Áskerı qyzmetshіlerge merzіmdі áskerı qyzmettі ótkerýdіń barlyq merzіmіne banktіk qaryz nemese mıkrokredıt boıynsha tólemderdі keıіnge qaldyrý protsesі avtomattandyryldy.