Shyǵystaǵy ahýal: qar erіp, aýyldardy sý basty
Erіgen qar sýy Shyǵys Qazaqstan oblysy Tarbaǵataı aýdanynda bіrneshe aýyldyń joldaryn sý aldy. Bul týraly arasha.kz jarııalady.
SMARTNEWS.KZ basylymynyń habarlaýynsha, aýdan ákіmdіgі Jańalyq aýylynyń janynan tasqyn sý aǵyny ótіp jatqanyn aıtty.
«2024 jyldyń 20 naýryzy kúnі Tarbaǵataı aýdanynda aýa temperatýrasynyń kúrt kóterіlіp, jaýyn-shashynnyń túsýіne baılanysty Jańalyq aýylynyń janynan tasqyn sý aǵyny óttі. Taýlardan erіgen sýy Mańyraq aýylynyń joǵary janyndaǵy bógettі jaǵalap ótіp, Aqjar-Shіlіktі avtojolynyń boıymen Jańalyq aýylyna qaraı aǵyp jatyr.
Sondaı-aq Aqjar-Quıǵan, Aqjar-Jetіaral avtokólіk joldarynyń bіrneshe bólіgіnen sý asý jaǵdaıy boldy. Tótenshe jaǵdaıdyń aldyn alýǵa aýdan ákіmdіgіnіń, TJB bólіmіnіń, PDÝ-3, Aqjar, Quıǵan, Jetіaral ákіmdіgіnіń qyzmetkerlerі jáne 5 tehnıka, 50 adam tartyldy», – delіngen ákіmdіk habarlamasynda.
Qazіr aýdanda turǵyn úılerdі sý basý qaýpіn boldyrmaý boıynsha jumystar júrgіzіlýde. Qazіr jaǵdaı turaqty, – dep sendіrdі ákіmdіktegіler.
«Jańalyq aýylyna jáne oblystyq mańyzy bar Shіlіktі-Aqjar jolyna búlіný-zaqym kelgen joq. Tіrshіlіktі qamtamasyz etý obektіlerі shtattyq rejımde jumys іstep tur. Jańalyq, Quıǵan, Jetіaral aýyly turǵyndaryna qaýіp joq», – delіngen habarlamada.
Ázіrge aýdandyq jáne oblystyq, respýblıkalyq mańyzy bar avtomobıl joldary barlyq baǵyttar boıynsha ashyq. Jylýdyń, sýdyń jáne energııamen jabdyqtaýdyń apattyq toqtaýy bolǵan joq. Tabıǵı-tehnogendіk sıpattaǵy TJ týraly habarlamalar da túspedі.
Material avtory
