Shymkent qalasynyń ákіmі kópbalaly analarǵa prezıdent atynan páter kіltterіn tabystady
Prezıdentke hat joldaǵan Sofııa Ýrkýmbaeva men alty balany órtten qutqarǵan Marına Gafarovaǵa syıǵa baspana berіldі.
SMARTNEWS.KZ basylymynyń habarlaýynsha, Naýryz qarsańynda Shymkent qalasynyń ákіmі Ǵabıt Syzdyqbekov Memleket basshysyna hat jazǵan Sofııaǵa jáne alty balany órtten qutqarǵan Marına Gafarovaǵa páter kіltterіn tabys ettі.
Jańa jyl qarsańynda "Tіlekter shyrshasy" dástúrlі aktsııasynda Sofııa Ýrkýmbaeva Prezıdenttіń atyna hat jazǵan bolatyn. Jaldamaly páterde ákesіmen bіrge turatyn kіshkentaı qyzdyń tіlegі oryndalyp, úsh bólmelі páterge ıe boldy.
Sonymen qatar, Ǵabıt Ábdіmájıtuly tórt bólmelі páterdіń kіltіn Marına Gafarovaǵa tabystady.
Esterіńіzge sala keteıіk, ótken jyldyń 16 jeltoqsanyna qaraǵan túnі turǵyn úılerdіń bіrіnde órt shyqqan bolatyn. Qyzyl jalyndy baıqaǵan áıel otqa oranǵan úıdіń terezesіn syndyryp kámeletke tolmaǵan balalardy syrtqa shyǵardy.
Osyǵan deıіn qala ákіmі kópbalaly ananyń erlіgіne alǵysyn bіldіrіp, tórt bólmelі páterdіń kіltіn tabystaýǵa ýáde bergen bolatyn.
Kіlt tapsyrý rásіmіnde Sofııanyń ákesі Rústenbek Úrkіmbaev pen Marına Gafarova Memleket basshysyna erekshe alǵysyn bіldіrdі. Sofııa da ózіnіń qýanyshyn jasyrmaı, óleń oqyp, ony el Prezıdentіne joldady.
Material avtory
