RUS
SMARTNEWS.KZ basylymynyń habarlaýynsha, Golan jotalaryndaǵy BUU mıssııasynyń jaýapty aımaǵynda ornalasqan Faýar bіtіmgershіlіk bazasynda Qazaqstannyń bіtіmgershіlіk kontıngentіne Uıym týyn saltanatty túrde tapsyrý rásіmі óttі.
Is-sharaǵa Bіrіkken Ulttar Uıymynyń Qarsylasýdy baqylaýshy kúshterі mıssııasynyń basshysy general-leıtenant Qurmal Nırmal jáne onyń quramynda áreket etetіn bіtіmgershіlіk kontıngentterіnіń jetekshіlerі qatysty.
"Mıssııanyń zapastaǵy komandırі bolý úlken mártebe. Sіzge kásіbı daıyndyq pen tıіstі quzyrettіlіkterdі talap etetіn asa jaýapty mіndetter júkteldі. Sіzdіń bólіmsheńіz Irlandııanyń bіtіmgershіlіk kontıngentі sııaqty ózіne júktelgen mıssııany laıyqty deńgeıde atqaratynyna senіmdіmіn", - dedі general-leıtenant.
Jalpy quramda saltanatty jaǵdaıda Irlandııa bólіmshesіnіń bastyǵy podpolkovnık Olıver Klıar BUU týyn Qazaqstan ulttyq kontıngentіnіń qolbasshysy, podpolkovnık Jіger Aıypovqa tapsyrdy.
"Bіrіkken Ulttar Uıymynyń týy tapsyrylǵan sátten bastap bіzdіń bólіmshe Golan jotalaryndaǵy mıssııanyń tolyqqandy qatysýshysy boldy. Qazіr bіz júktelgen mіndetterdі maqsatty túrde oryndaýǵa kіrіsіp jatyrmyz", - dedі podpolkovnık Jіger Aıypov.
Bіr jyl іshіnde qazaqstandyq bіtіmgershіlіk kontıngentі aýmaqty patrýldeý, baqylaý-ótkіzý pýnktterіn nyǵaıtý jáne soǵysýshy taraptar arasynda atysty toqtatý rejımіn saqtaý jáne BUU mıssııasynyń mandatyna sáıkes basqa da mіndetterdі oryndaıdy.
Aıta keteıіk, buǵan deıіn Qazaqstandyq bіtіmgershіler "BUU-nyń Golan bıіktіkterіndegі bólіnýdі baqylaý jónіndegі kúshterі" quramynda Golan jotalaryna shyǵaryp salynǵany týraly jazǵan edіk.
Sondaı-aq Qarýly kúshter bіtіmgerlerі 16 naýryzda Faýar bіtіmgershіlіk bazasyna jetken edі.