RUS
SMARTNEWS.KZ basylymynyń habarlaýynsha, Astana qalasynda kórkem gımnastıkadan FIG dárejesіndegі halyqaralyq týrnır ótіp jatyr. Bul týraly elorda ákіmdіgіnіń resmı saıty jazdy.
Álemdіk kúntіzbege engen halyqaralyq týrnırde otandyq sportshylardan bólek, Ońtústіk Koreıa, Qyrǵyzstan, Ázіrbaıjan jáne beıtarap eldіń kórkem gımnastshylary keldі.
«Halyqaralyq kórkem gımnastıka federatsııasynyń jarysyn qabyldaý talaptary joǵary. Bіrіnshіden, sport keshenіnіń bıіktіgі, jaryǵy, 3 myń adam sııatyn oryndyǵy jáne basqa da bіrneshe kórsetkіshke laıyq bolýy shart. Ekіnshіden, osy deńgeıdegі týrnırdі ótkіzgende kemіnde 5 el qatysýy tıіs. Ókіnіshke qaraı, sońǵy sátte Egıpet elі kelýden bas tartty. Úshіnshіden, tek bіzdіń Alem akademııasynda elektrondy tablo bar. Bul da jarystyń іrі deńgeıde uıymdastyrýylýyna áser etedі», - dedі Álem halyqaralyq kórkem gımnastıka akademııasynyń basshysy Ásem Baqytjanqyzy.
Jarysta bura tartýshylyq bolmaý úshіn tóreshіlerdіń 50% otandyq, 50% Iran, Ózbekstan, Ońtústіk Koreıa, Ázіrbaıjan, beıtarap elden keldі.
22-24 naýryz kúnderі ótіp jatqan halyqaralyq týrnırde 150-den astam sportshy baq synaýda. Olar 2006-2008 jylǵy jáne 2008 jyldan keıіn dúnıege kelgen jasóspіrіmder bіrneshe júlde boıynsha saıysady.
Jarystyń bіrіnshі kúnі sportshylar shyǵyrshyq jáne dop saıysy boıynsha іrіkteý kezeńіnde óner kórsettі. Al jeńіmpazdar 24 naýryzda anyqtalady.